அஜித் நடித்த 'வலிமை’ திரைப்படம் வரும் 24ஆம் தேதி திரையரங்குகளில் பிரம்மாண்டமாக வெளியாகவிருக்கும் நிலையில் இந்த படத்திற்கு இதுவரை இல்லாத அளவில் மிகப்பெரிய எதிர்பார்ப்பு ஏற்பட்டுள்ளது

ஏற்கனவே இந்த படத்தை பார்த்த பாலிவுட் பிரமுகர் ஒருவர் ’ஃபாஸ்ட் அண்ட் ஃப்யூரியஸ்’ மற்றும் ’மிஷன் இம்பாசிபிள்’ படங்களுக்கு இணையானது என்று கூறியுள்ளதால் இந்த படத்தின் எதிர்பார்ப்பு எகிற வைத்துள்ளது.

இந்த நிலையில் 'வலிமை’ தயாரிப்பாளர் போனிகபூர் இந்த படம் குறித்து சமீபத்தில் கூறியபோது, இந்த படம் கதாநாயகனுக்கும் வில்லனுக்கும் இடையே நடக்கும் விறுவிறுப்பான ரேஸ் படம் மட்டுமின்றி, இந்த படத்தின் ஒவ்வொரு காட்சியும், சீட் நுனியில் ரசிகர்களை உட்கார வைக்கும் அளவுக்கு இருக்கும் என்றும் இது ஒரு மிகப்பெரிய வெற்றிப்படமாக மட்டுமின்றி அடுத்தடுத்த பாகங்கள் உருவாகும் அளவுக்கு இந்த படத்தின் கதை அமைந்துள்ளது என்றும் போனி கபூர் தெரிவித்துள்ளார்.

இதனை அடுத்து வரும் 'வலிமை’ படத்தின் இரண்டாம் பாகம் உள்பட அடுத்தடுத்த பாகங்களுக்கும் வாய்ப்பு இருப்பதால் அஜித் ரசிகர்கள் குஷியில் உள்ளனர் என்பது குறிப்பிடத்தக்கது.