close
Choose your channels

ஒரு வழியாக 'வலிமை' அப்டேட் தந்த போனிகபூர்!

Monday, February 15, 2021 • தமிழ் Comments

தல அஜித் நடிப்பில் இயக்குனர் ஹெச்.வினோத் இயக்கி வரும் ‘வலிமை’ படத்தின் படப்பிடிப்பு கடந்த சில மாதங்களாக நடைபெற்று வரும் நிலையில் இன்றுடன் இந்த படத்தின் உள்நாட்டு படப்பிடிப்பு முடிவடைவதாகவும், இதனை அடுத்து வெளிநாட்டில் ஒரே ஒரு ஸ்டன்ட் காட்சி மட்டும் படமாக்கப்பட வேண்டிய நிலை உள்ளதாகவும் சமீபத்தில் போனிகபூர் பேட்டியளித்திருந்தார்.

இந்த நிலையில் ‘வலிமை’ படத்தின் படப்பிடிப்பு இன்றுடன் நிறைவடைவதால் அந்த படத்தின் அப்டேட் குறித்த தகவல் இன்று வெளிவரும் என்று அஜீத் ரசிகர்கள் மிகுந்த ஆவலுடன் காத்திருந்தனர்.

இந்த நிலையில் சற்று முன்னர் போனி கபூர் தனது டுவிட்டர் பக்கத்தில் ‘வலிமை’ குறித்த ஒரு தகவலை பதிவு செய்துள்ளார். எங்களது சிறப்புக்குரிய படமான ‘வலிமை’ படத்தின் ஃபர்ஸ்ட் லுக் குறித்த பணிகள் தற்போது நடைபெற்று வருகிறது. விரைவில் பர்ஸ்ட் லுக் வெளியாகும். மேலும் இந்த படம் எங்களுக்கு மிகவும் விருப்பத்திற்குரிய ஒரு படம் என்று பதிவு செய்துள்ளார்.

ஒருவழியாக ‘வலிமை’ படத்தின் அப்டேட்டை கொடுத்துவிட்ட போனி கபூரை இதுவரை தூற்றி கொண்டிருந்த அஜித் ரசிகர்கள் தற்போது பாராட்டி கொண்டிருக்கின்றனர் என்பது குறிப்பிடத்தக்கது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz