close
Choose your channels

உலகின் 3 ஆவது பெரிய வைரம் கண்டுப்பிடிப்பு… எடையைக் கேட்டால் ஆச்சர்யப்படுவீர்கள்…

Friday, June 18, 2021 • தமிழ் Comments

தென் ஆப்பிரிக்கா நாடான போஸ்வானா நாட்டில் தற்போது உலகின் 3 பெரிய வைரம் கண்டுபிடிக்கப்பட்டு உள்ளது. அதன் எடை 1,098 கேரட் எனவும் இந்த வைரம் கொரோனா ஊரடங்கிற்குப் பிறகு ஏலம் விடப்பட்டு அந்நாட்டின் பொருளாதார வளர்ச்சிக்குப் பயன்படுத்தப்படும் எனவும் அந்நாட்டு அரசு தெரிவித்துள்ளது.

வைரம் அதிகமாக உற்பத்தியாகும் போஸ்வானா நாட்டில் இதற்கு முன்பு கடந்த 2016 ஆம் ஆண்டு 1109 கேரட் எடை அளவிற்கு வைரம் கண்டுபிடிக்கப்பட்டு உள்ளது. இந்த வைரமே உலகின் இரண்டாவது பெரிய வைரம் என்பதும் குறிப்பிடத்தக்கது.

முன்னதாக கடந்த 1905 ஆம் ஆண்டு தென் ஆப்பிரிக்காவில் 3,106 கேரட் அளவிற்கு வைரம் ஒன்று கண்டுபிடிக்கப்பட்டு உள்ளது. இந்த வைரமே உலகின் பெரிய வைரம் என்பதும் குறிப்பிடத்தக்கது. இப்படி வைரம், தங்கம், கிரானைட், கனிமங்கள் எனத் தொடர்ந்து இயற்கை வளங்கள் கொட்டி கிடந்தாலும் தென் ஆப்பிரிக்காவில் உள்ள பல நாடுகளில் பொருளாதாரம் படு மோசமாக இருந்து வருகிறது.

அந்த வகையில் கொடிய வறுமையின் காரணமாகக் கடந்த சில தினங்களுக்கு முன்பு தென் ஆப்பிரிக்காவின் குவாசுலு நடால் மாகாணத்தில் உள்ள குவாகஹ்தி பகுதியில் பல ஆயிக்கணக்கான மக்கள் ஒன்றுகூடி தங்கத்தை தேடியதும் குறிப்பிடத்தக்கது. இதுகுறித்த புகைப்படங்கள் சோஷியல் மீடியாவில் வெளியாகி வைரலானது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz