నట‌సింహ‌ బాలకృష్ణ, స‌క్సెస్‌ఫుల్ డైరెక్ట‌ర్‌ బోయపాటి శ్రీను కాంబినేష‌న్‌లో సినిమా అంటే అది మాస్ ప్రేక్షకులకి పండగనే చెప్పాలి. ఇక యాక్షన్ ప్రియులకి కనువిందే. కాగా, నిన్న (సోమవారం) జై సింహా` ప్రీ-రిలీజ్ ట్రైలర్ ఫంక్షన్‌లో.. తమ కాంబినేషన్‌లో మరొక సినిమా ఉండబోతోందని బోయపాటి ప్రకటించడంతో.. నందమూరి అభిమానుల ఆనందానికి హద్దే లేకుండా ఉంది.

వీరి కలయికలో ఇప్ప‌టికే సింహా`, లెజెండ్` వంటి బ్లాక్ బస్టర్ హిట్స్ రావడంతో.. రానున్న ఈ హ్యాట్రిక్ సినిమాపై ఇప్ప‌టినుంచే భారీ అంచనాలు ఏర్పడ్డాయి. ఇదిలా ఉంటే... గ‌తంలో బోయపాటి ఓ పొలిటికల్ సబ్జెక్ట్‌ని బాలయ్య కోసం అనుకున్నట్టు కథనాలు వినిపించాయి. అంతేకాకుండా.. ఆ కథని సినిమాగా తీసి.. 2019లో రెండు తెలుగు రాష్ట్రాల్లో జరగనున్న ఎన్నికల సమయానికి ముందే ఈ సినిమాను విడుదల చేస్తున్నారని కూడా వార్తలు వినిపించాయి. మరి ఆ కథనే తెరకెక్కిస్తారో లేదంటే మరో కథతో సినిమా చేస్తారో చూడాలి. ప్రస్తుతం బోయపాటి.. రామ్ చరణ్‌తో సినిమాను చేయనున్నారు. ఈ నెల‌లోనే ఈ సినిమా సెట్స్ పైకి వెళ్ళ‌నుంది. అలాగే బాలయ్య కూడా తేజ తెరకెక్కిస్తున్న ఎన్టీఆర్ బయోపిక్ ఎన్టీఆర్`లో టైటిల్ రోల్‌లో కనిపించనున్నారు. ఈ సినిమాలు పూర్త‌య్యాకే వీరి కాంబినేష‌న్ మూవీ స్టార్ట్ కావొచ్చ‌ని తెలిసింది.