ബ്രഹ്മപുരം തീ പിടുത്തത്തിൽ അട്ടിമറിയില്ലെന്ന് പൊലീസ് അന്വേഷണ റിപ്പോർട്ട്. വിശദമായി നടത്തിയ അന്വേഷണത്തിൽ തീയിട്ടതിന് തെളിവ് ലഭിച്ചില്ല. പ്ലാന്റിലെ ജീവനക്കാരുടെയും കരാർ കമ്പനി ഉദ്യോഗസ്ഥരുടെയും മൊഴിയെടുക്കുകയും സിസിടിവി ക്യാമറകളും മൊബൈൽ ഫോണുകളും പരിശോധിക്കുകയും ചെയ്തിരുന്നു. വിശദ പരിശോധനകൾക്കു ശേഷമാണ് ബ്രഹ്മപുരം തീ പിടുത്തത്തിൽ അട്ടിമറിയില്ലെന്ന് സ്ഥിരീകരിച്ച് റിപ്പോർട്ട് നൽകിയതെന്നും പൊലീസ് പറഞ്ഞു. അമിതമായ ചൂടാണ് തീ പിടുത്തത്തിന് കാരണമെന്ന് റിപ്പോർട്ടിൽ പറയുന്നു. മാലിന്യത്തിൻ്റെ അടിത്തട്ടിൽ ഉയർന്ന താപനില തുടരുകയാണ്. അതിനാൽ ബ്രഹ്മപുരം പ്ലാന്‍റിൽ ഇനിയും തീ പിടുത്തിന് സാധ്യതയുണ്ടെന്നും കൊച്ചി സിറ്റി പൊലീസ് കമ്മീഷണർ സമർപ്പിച്ച റിപ്പോർട്ടിൽ പറയുന്നു. കൊച്ചി സിറ്റി പൊലീസ് കമ്മീഷണർ തയ്യാറാക്കിയ റിപ്പോർട്ട് സർക്കാരിന് സമർപ്പിച്ചു.