ఢిల్లీ లో బ్ర‌హ్మోత్స‌వం
- IndiaGlitz, [Tuesday,February 23 2016]
సూప‌ర్ స్టార్ మ‌హేష్ - శ్రీకాంత్ అడ్డాల కాంబినేషన్లో రూపొందుతున్న భారీ క్రేజీ మూవీ బ్ర‌హ్మోత్స‌వం. తెలుగు, త‌మిళ్ లో ఈ చిత్రాన్ని పి.వి.పి సంస్థ నిర్మిస్తుంది. ప్రస్తుతం బ్ర‌హ్మోత్స‌వం చిత్రం రామోజీ ఫిలింసిటీలో షూటింగ్ జ‌రుపుకుంటుంది. మ‌హేష్, స‌మంత, ప్ర‌ణీత లపై కొన్ని కీల‌క సన్నివేశాలను చిత్రీక‌రించారు. దీంతో పాటు మ‌హేష్, రావు ర‌మేష్, స‌త్య‌రాజ్ లపై కూడా ముఖ్య‌మైన సన్నివేశాలను చిత్రీక‌రించారు.
ఈ నెల 25 వ‌ర‌కు రామోజీ ఫిలింసిటీలో షూటింగ్ చేయ‌నున్నారు. మార్చి 1 నుంచి బ్ర‌హ్మోత్స‌వం టీమ్ ఢిల్లీ లో 12 రోజులు పాటు షూటింగ్ చేయ‌నున్న‌ట్టు స‌మాచారం. ఏప్రిల్ 28న బ్ర‌హ్మోత్స‌వం మూవీ రిలీజ్ చేయాల‌నుకున్నారు. కానీ...కొన్నికార‌ణాల వ‌ల‌న వాయిదా ప‌డింది. తాజా స‌మాచారం ప్ర‌కారం... సూప‌ర్ స్టార్ కృష్ణ పుట్టిన‌రోజు సంద‌ర్భంగా మే 31న బ్ర‌హ్మోత్స‌వం రిలీజ్ చేయ‌డానికి ప్లాన్ చేస్తున్నార‌ట. త్వ‌ర‌లోనే బ్ర‌హ్మోత్స‌వం రిలీజ్ డేట్ అఫిషియ‌ల్ గా ఎనౌన్స్ చేయ‌నున్నారు.