பெற்ற குழந்தைகளை பட்டினி போட்ட தம்பதிக்கு ஆயுள்தண்டனை
- IndiaGlitz, [Saturday,April 20 2019]
அமெரிக்காவில் பெற்ற குழந்தைகளை பட்டினி போட்டு சித்ரவதை செய்த பெற்றோருக்கு ஆயுள்தண்டனை கிடைத்துள்ளது.
அமெரிக்காவில் கலிபோர்னியா மாகாணத்தை சேர்ந்த டேவிட் , லூயிசி தம்பதிக்கு 13 குழந்தைகள் இருந்தனர். இவர்களில் ஒரே ஒரு குழந்தையை தவிர மீதி 12 குழந்தைகளை ஒரு அறையில் பூட்டி, பட்டினி போட்டு சித்ரவதை செய்ததாக தெரிகிறது. இதில் 17 வயது குழந்தை ஒருவர் தப்பி சென்று போலீசில் கொடுத்த புகார் காரணமாக டேவிட், லூசி கைது செய்யப்பட்டனர். விசாரணையின்போது தங்கள் குழந்தைகளை சித்ரவதை செய்ததை தம்பதிகள் ஒப்புக்கொண்ட நிலையில் அவர்களுக்கு ஆயுள்தண்டனை வழங்கப்பட்டது.
ஆனால் சித்ரவதைக்கு உள்ளான குழந்தைகளில் சிலர் தங்கள் பெற்றோர்களை தாங்கள் மன்னித்துவிட்டதாகவும், இப்போதும் அம்மா, அப்பாவை நேசிப்பதாகவும் நீதிமன்றத்தில் கூறியபோது, டேவிட், லூசி தம்பதியினர் நீதிமன்றத்திலேயே அழுதுவிட்டனர்.
தங்களுடைய குழந்தைகளை வீட்டில் அடைத்து வைத்தது ஒழுக்கம் கற்பித்ததும் நல்ல நோக்கங்களுக்குத்தானே தவிர, குழந்தைகளை காயப்படுத்த வேண்டுமென இதனை செய்யவில்லை என்றும், இப்போதும் தாங்கள் குழந்தைகளை நேசிப்பதாகவும் எங்களது குழந்தைகளும் எங்களை நேசிப்பார்கள் என்று நம்புவதாகவும் தம்பதிகள் நீதிமன்றத்தில் கண்ணீருடன் கூறினர்.