close
Choose your channels

கோவா ட்ரிப் சென்ற விஜய் பட நடிகை டிரைவரை ஏமாற்றினாரா? பரபரப்பு தகவல்!

Thursday, October 1, 2020 • தமிழ் Comments

தளபதி விஜய் நடித்த ’போக்கிரி’ படத்தில் இடம்பெற்ற ’என் செல்லப்பேரு ஆப்பிள்’ என்ற பாடலில் நடித்திருந்தவர் கவர்ச்சி நடிகை முமைத்கான். இவர் ’வேட்டையாடு விளையாடு’ ’கந்தசாமி’ உள்பட பல படங்களில் ஒரு பாடலுக்கு நடனம் ஆடி உள்ளார் என்பதும் ’மம்பட்டியான்’ ’மறந்தேன் மன்னித்தேன்’ உள்பட ஒருசில படங்களில் நடித்துள்ளார் என்பதும் குறிப்பிடத்தக்கது, தற்போது சினிமா வாய்ப்பு இல்லாததால் இவர் ஒரு இசை ஆல்பம் தயாரித்து வருவதாக கூறப்படுகிறது.

இந்த நிலையில் நடிகை முமைத்கான் தனக்கு தரவேண்டிய ரூபாய் 15,000 ரூபாயை தராமல் ஏமாற்றி விட்டதாக ஐதராபாத்தைச் சேர்ந்த கார் டிரைவர் ஒருவர் புகார் கூறியிருப்பது பெரும் பரபரப்பை ஏற்படுத்தி உள்ளது. கோவா செல்ல வேண்டும் என்று தன்னுடைய காரை நடிகை முமைத்கான் புக் செய்ததாகவும் மூன்றே நாட்களில் திரும்பி விடலாம் என்று கூறிவிட்டு எட்டு நாட்கள் வரை இழுத்துவிட்டதாகவும் அதற்கான தொகை 15 ஆயிரம் ரூபாயை தராமல் ஏமாற்றி விட்டதாகவும் அந்த டிரைவர் கூறியுள்ளார்.

இதற்கு ஆதாரமாக நடிகை முமைத்கான் அனுப்பிய போன் நம்பருடன் கூடிய முகவரி, சுங்கச்சாவடியில் செலுத்திய ரசீதுகள், ரசிகர்களுடன் அவர் எடுத்துக் கொண்ட புகைப்படங்கள் ஆகியவற்றினை வெளியிட்டுள்ளார்.

தன்னை ஏமாற்றியதை போல் இன்னொரு டிரைவரும் ஏமாறக் கூடாது என்பதற்காகவே இந்த விஷயத்தைத்தான் வெளியே செல்வதாகவும் அந்த டிரைவர் கூறியுள்ளார். டிரைவரின் இந்த குற்றச்சாட்டு குறித்து இதுவரை நடிகை முமைத்கான் எந்த பதிலும் சொல்லவில்லை என்பது குறிப்பிடத்தக்கது.
 

Get Breaking News Alerts From IndiaGlitz