చలపతిరావు, యాంకర్ రవిలపై కేసు నమోదు
- IndiaGlitz, [Wednesday,May 24 2017]
చలపతిరావు నోటి దూల‌తో చేసిన వ్యాఖ్య‌లు ఆయ‌న్ను అంత ఈజీగా వ‌ద‌లేలా క‌న‌ప‌డ‌టం లేదు. చలపతిరావు మ‌హిళ‌ల‌పై చేసి అస‌భ్య‌క‌ర వ్యాఖ్య‌ల‌పై, ఆయ‌న్ను బ‌ల‌ప‌రిచిన యాంకర్ ర‌విపై చ‌ట్ట‌ప‌ర‌మైన చ‌ర్య‌లు తీసుకోవాల‌ని కోరుతూ బండ్ల‌గూడ‌కు చెందిన మ‌హిళా సంఘం నేత దెయ్యాల క‌ల్ప‌నాకుమారి స‌రూర్ న‌గ‌ర్ పోలీస్ స్టేష‌న్‌లో పిర్యాదు చేశారు.
పిర్యాదు స్వీక‌రించిన పోలీసులు ఐపీసీ 354 ఏ(4), 509 సెక్ష‌న్ల‌పై కేసు నమోదు చేశార‌ట. రారండోయ్ వేడుక చూద్దాం ఆడియోక‌లో చలపతిరావు మ‌హిళ‌ల‌పై చేసిన వ్యాఖ్య‌ల‌పై పెద్ద దుమార‌మే చేల‌రేగింది. మా అసోషియేష‌న్ ఈ వ్యాఖ్య‌ల‌పై మ‌హిళ‌ల‌కు క్ష‌మాప‌ణ‌లు తెలిపింది. అలాగే చలపతిరావు రాత‌పూర్వ‌కంగా క్ష‌మాప‌ణ‌లు చెప్పుకొచ్చారు.