விக்ரம் படத்தில் நடிக்க வேண்டுமா? ஒரு அரிய வாய்ப்பு
- IndiaGlitz, [Tuesday,July 09 2019]
சீயான் விக்ரம் நடித்த 'கடாரம் கொண்டான்' திரைப்படம் வரும் 19ஆம் தேதி ரிலீஸ் ஆகவுள்ள நிலையில் அவர் தற்போது 'துருவ நட்சத்திரம்' மற்றும் 'மகாவீர் கர்ணன்' ஆகிய படங்களில் நடிக்க கமிட் ஆகியுள்ளார். மேலும் 'டிமாண்டி காலனி', 'இமைக்கா நொடிகள்' இயக்குனர் அஜய்ஞானமுத்து இயக்கும் ஒரு அதிரடி ஆக்சன் படத்திலும் அவர் நடிக்கவுள்ளார்.
இந்த நிலையில் அஜய்ஞானமுத்து இயக்கத்தில் விக்ரம் நடிக்கவுள்ள படத்தின் ஆரம்பகட்ட பணிகள் தொடங்கிவிட்டன. முதல்கட்டமாக இந்த படத்தில் நடிக்கும் நட்சத்திரங்கள் தேர்வு நடைபெற்று வருகிறது. இந்த படத்தில் ஒருசில புதுமுகங்களை அறிமுகம் செய்ய இயக்குனர் திட்டமிட்டுள்ளதால் இந்த படத்தில் நடிக்க விரும்பும், நடிப்பில் ஆர்வமுள்ள ஆண்கள், பெண்கள் மற்றும் குழந்தைகள் என அனைத்து வயதினர்களும் இமெயில் மூலம் அணுகலாம் என விளம்பரம் செய்யப்பட்டுள்ளது
செவன் ஸ்க்ரீன் ஸ்டுடியோ மற்றும் வயாகாம் 18 ஸ்டுடியோ நிறுவனங்கள் இணைந்து தயாரிக்கவுள்ள இந்த படத்தின் படப்பிடிப்பு வரும் ஆகஸ்ட் மாதம் தொடங்கவிருப்பதாகவும் இந்த படத்தை வரும் 2020ஆம் ஆண்டு ஏப்ரலில் வெளியிட திட்டமிடப்பட்டிருப்பதாகவும் தகவல்கள் தெரிவிக்கின்றன.
Casting Call for #ChiyaanVikram58 !!
— Seven Screen Studio (@7screenstudio) July 9, 2019
@AjayGnanamuthu @lalit_sevenscr @Viacom18Studios @sooriaruna @iamarunviswa @proyuvraaj pic.twitter.com/YjCysNwC0c