வசூலில் மணிரத்னம் படம் செய்த சாதனை
- IndiaGlitz, [Monday,October 01 2018]
பிரபல இயக்குனர் மணிரத்னம் இயக்கத்தில் கடந்த வியாழன் அன்று வெளியான 'செக்க சிவந்த வானம்' திரைப்படம் அனைத்து தரப்பினர்களின் பாராட்டுக்களை பெற்று திரையரங்குகளில் வெற்றிகரமாக ஓடி வருகிறது. முதல் நாள் முதல் காட்சி முடிந்தவுடன் இந்த படத்திற்கு கிடைத்த பாசிட்டிவ் ரிசல்ட், படத்தின் வசூலை அதிகரிக்க உதவியது.
இந்த நிலையில் சென்னையில் சனி, ஞாயிறு இரண்டு நாட்களில் மட்டும் ரூ.2 கோடிக்கும் மேல் வசூல் செய்த சாதனை படைத்த இந்த படம் தற்போது தமிழக அளவிலான வசூலிலும் சாதனை படைத்துள்ளது.
கடந்த நான்கு நாட்களில் இந்த படம் தமிழகத்தில் ரூ.26 கோடி வசூல் செய்துள்ளது. சென்னையில் ரூ.3.78 கோடியும், செங்கல்பட்டில் ரு.8.6 கோடியும், கோவையில் ரூ.4.3 கோடியும், நெல்லை-குமரி பகுதியில் ரு.93 லட்சமும் வசூல் செய்துள்ளது
மொத்தத்தில் இதுவரையில் வெளியான மணிரத்னம் படங்களில் இந்த படம்தான் அதிக ஒப்பனிங் வசூலை பெற்று சாதனை செய்துள்ளது என்பது குறிப்பிடத்தக்கது.