క‌ట్ట‌ప్ప బాహుబ‌లిని ఎందుకు చంపాడో తెలుసంటున్న కేంద్ర‌మంత్రి..!
- IndiaGlitz, [Tuesday,November 29 2016]
ద‌ర్శ‌క‌ధీరుడు రాజ‌మౌళి తెర‌కెక్కించిన సంచ‌ల‌న చిత్రం బాహుబ‌లి. తెలుగులో రూపొందించిన బాహుబ‌లి ప్ర‌పంచ వ్యాప్తంగా ఎంత‌టి సంచ‌ల‌నం సృష్టించిందో తెలిసిందే. ఇక క‌ట్ట‌ప్ప బాహుబ‌లిని ఎందుకు చెప్పాడు అనేది కూడా అదే స్ధాయిలో హాట్ టాపిక్ అయ్యింది. దీనికి స‌మాధానం ఏమిటి అని రాజ‌మౌళిని అడిగితే...బాహుబ‌లి 2 వ‌చ్చే వ‌ర‌కు ఆగాల్సిందే అనేవారు త‌ప్ప స‌మాధానం చెప్పేవారు కాదు.
ఇదిలా ఉంటే...గోవాలో జ‌రుగుతున్న 47వ అంత‌ర్జాతీయ చ‌ల‌న‌చిత్రోత్స‌వంకు రాజ‌మౌళి ముఖ్య అతిధిగా హాజ‌రయ్యారు. ఈ కార్య‌క్ర‌మానికి కేంద్ర స‌మాచార ప్ర‌సార శాఖ స‌హాయ మంత్రి రాజ్య‌వ‌ర్ధ‌న్ రాథోడ్ కూడా హాజ‌రయ్యారు. క‌ట్ట‌ప్ప బాహుబ‌లిని ఎందుకు చంపాడు అని రాజ‌మౌళిని కేంద్ర‌మంత్రి రాథోడ్ అడ‌గా అస‌లు విష‌యం చెప్పేసార‌ట. ఈ విష‌యాన్ని కేంద్ర‌మంత్రి రాజ్య‌వ‌ర్ధ‌న్ రాథోడ్ వేదిక పై చెబుతూ....క‌ట్ట‌ప్ప బాహుబ‌లిని ఎందుకు చంపాడో నాకు తెలుసు. రాజ‌మౌళి చెప్పిన ఆ ర‌హాస్యం నా ద‌గ్గ‌ర భ‌ద్రంగా ఉంటుంది.నాకు ఆ ర‌హాస్యాన్ని చెప్పిన రాజ‌మౌళికి థ్యాంక్స్ తెలియ‌చేస్తున్నాను అన్నారు.