నాగశౌర్య 'ఛలో' వాయిదా
- IndiaGlitz, [Saturday,December 09 2017]
నాగశౌర్య, ర‌ష్మిక మండ‌న్నా హీరో హీరోయిన్లుగా న‌టించిన చిత్రం 'ఛలో'. త‌మిళ‌నాడు, ఆంధ్ర బోర్డ‌ర్‌లో రెండు గ్రామాల మ‌ధ్య జ‌రిగే ఓ గొడ‌వ నేప‌థ్యంలో సాగే సినిమా ఇది. ఓ ప‌క్క హీరో, మ‌రో ప‌క్క హీరోయిన్ ఉంటారు. ఇద్ద‌రూ ప్రేమ‌లో ప‌డ‌తారు. త‌న ప్రేమ‌ను గెలిపించుకోవ‌డానికి హీరో ఏం చేశాడ‌నేదే ఈ 'ఛలో' సినిమా. వెంకీ కుడుమ‌ల ద‌ర్శ‌కుడు.
ఈ సినిమాను డిసెంబ‌ర్ 28న విడుద‌ల చేయాల‌ని అనుకున్నారు కానీ..తాజా స‌మాచారం ప్ర‌కారం ఈ సినిమా విడుద‌ల వాయిదా ప‌డే అవ‌కాశాలున్నాయట. విన‌ప‌డుతున్న వార్త‌ల ప్ర‌కారం సినిమా ఫిబ్ర‌వ‌రిలో వాయిదా ప‌డుతుంద‌ని అంటున్నారు.
త్వ‌ర‌లో దీనికి సంబంధించిన అధికారిక స‌మాచారం వెలువ‌డ‌నుంది.