close
Choose your channels

నిశ్చితార్థంపై రానా-నాని మధ్య చాటింగ్.. క్లారిటీ

Friday, May 22, 2020 • తెలుగు Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

నిశ్చితార్థంపై రానా-నాని మధ్య చాటింగ్.. క్లారిటీ

టాలీవుడ్ యంగ్ హీరో రానా దగ్గుబాటి, మిహీకా బజాజ్‌ ప్రేమించి.. పెద్దలను ఒప్పించి త్వరలోనే పెళ్లి చేసుకోబోతున్నారు. నిశ్చితార్థం పూర్తి కావాల్సి ఉన్నప్పటికీ కొన్ని అనివార్య కారణాల వల్ల కాలేదు. అయితే.. ఇరు కుటుంబీకులు మాత్రం నిశ్చితార్థం, పెళ్లి, రిసెప్షన్ గురించి మాత్రమే చర్చించుకున్నారు. ఇందుకు సంబంధించిన ఫొటోలను తాజాగా రిలీజ్ చేయగా.. ప్రస్తుతం ఇవి సోషల్‌ మీడియాలో తెగ హల్‌చల్‌ చేస్తున్నాయి. లాక్ డౌన్‌ కావడంతో సెలబ్రిటీలు కూడా ఎక్కడికక్కడ ఉండిపోయారు. దీంతో రానా ఎంగేజ్మెంట్ అయ్యిందా..? లేదా అని తెలుసుకోవడానికి పలువురు నటీనటులు తెగ ఆసక్తి చూపారు. ముఖ్యంగా రానాకు ఆప్తుడు అయిన నేచురల్ స్టార్ నాని.. కొత్త పెళ్లికొడుకుతో వాట్సాప్‌లో చాట్ చేశాడు.. దీంతో అసలేం జరిగిందనే విషయంపై క్లారిటీ వచ్చేసింది. ఈ విషయాన్ని తన ఇన్‌స్టాగ్రామ్‌లో రానా పోస్ట్ చేశాడు. వారిద్దరి మధ్య జరిగిన సంభాషణ ఏంటో ఇప్పుడు చూద్దాం.

వాట్సాప్ సంభాషణ ఇదీ..
నాని : అబ్బాయ్ ఎంగేజ్‌మెంట్‌ అయ్యిందా..!?
రానా : లేదు రోకా ఫంక్షన్ మాత్రమే..

నాని : రోకా ఫంక్షన్ అంటే.. నాకు తెలియదులే గూగుల్‌లో సెర్చ్ చేస్తా..
రానా : నవ్వుతున్నట్లున్న ఎమోజీలు పోస్ట్ చేశాడు..
నాని : ఫైనల్‌గా పగలబడి నవ్వుతున్న ఎమోజీలతో కూడిన చాటింగ్ వీరిద్దరి మధ్య జరిగింది.

రోకాకు అర్థం ఇదీ..!
కాగా.. ‘రోకా’ అంటే.. వధూవరుల కుటుంబాలు ఒకరినొకరు కలుసుకొని నిశ్చితార్థం, పెళ్లి, రిసెప్షన్‌కు సంబంధించిన విషయాల గురించి చర్చించడం అని అర్థం. ఈ రోకా జరిగిందంటే పెళ్లి పనులు షురూ అయ్యాయని అర్థమన్నమాట. మరోవైపు రోకాకు సంబంధించి ఫొటోలను మిహీకా కూడా ఇన్ స్టాలో షేర్ చేసింది. మొత్తానికి చూస్తే అతి త్వరలోనే దగ్గుబాటి ఇంట అంగరంగ వైభవంగా పెళ్లి జరగనుందని తెలుస్తోంది. మరి నిశ్చితార్థం ఎప్పుడు జరుగుతుందో.. పెళ్లి తారీఖు ఎప్పుడు ఫిక్స్ చేస్తారో అని భల్లాలదేవుడి అభిమానులు ఎంతో ఆసక్తిగా ఎదురుచూస్తున్నారు.

Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.