விஜய் வீட்டிற்கே சென்று சந்தித்த முதலமைச்சர்: பெரும் பரபரப்பு
- IndiaGlitz, [Friday,February 04 2022]
நடிகர் விஜய்யை அவரது வீட்டிற்கே சென்று புதுச்சேரி முதலமைச்சர் சந்தித்து பேச்சுவார்த்தை நடத்தியது பெரும் பரபரப்பை ஏற்படுத்தி உள்ளது.
சென்னை பனையூரில் உள்ள விஜய் வீட்டிற்கு புதுச்சேரி முதல்வர் ரங்கசாமி சற்று முன் சென்று சந்தித்ததாக தகவல் வெளியாகி உள்ளது. இந்த சந்திப்பு சுமார் ஒரு மணிநேரம் நடந்ததாகவும் இந்த சந்திப்பு மரியாதை நிமித்தமானது என்றும் இரு தரப்பிலிருந்தும் தகவல்கள் வெளியாகிஉள்ளது.
ஒரு மாநில முதலமைச்சர் நடிகர் விஜய்யின் வீட்டிற்கே சென்று சந்தித்தது அரசியல் உலகில் பெரும் பரபரப்பை ஏற்படுத்தி உள்ளது. நடிகர் விஜய் அரசியலில் குதிக்க போகிறாரா? தமிழக அரசியலில் ஈடுபடும் முன் முதல்கட்டமாக புதுவை அரசியலில் குதிக்க போகிறாரா? என இந்த சந்திப்பு குறித்து பலர் கேள்வி எழுப்பி வருகின்றனர்.