ఓవర్ సీస్ లో చిరంజీవి సత్తా....
- IndiaGlitz, [Thursday,September 08 2016]
మెగాస్టార్ చిరంజీవి రీ ఎంట్రీ సినిమా, ప్రెస్టిజియ‌స్ 150 మూవీ 'ఖైదీ నంబ‌ర్ 150' సినిమా చిత్రీక‌ర‌ణ ద‌శ‌లో ఉంది. ఈ సినిమా ఫ‌స్ట్ లుక్‌, మోష‌న్ పోస్ట‌ర్‌కు ట్రెమెండ‌స్ రెస్పాన్స్ వ‌చ్చింది. వి.వి.వినాయ‌క్ దర్శకత్వంలో కొణిదెల ప్రొడక్షన్ బ్యాన‌ర్‌పై రాంచ‌ర‌ణ్ ఈ చిత్రాన్ని నిర్మిస్తున్నాడు. త‌మిళ చిత్రం 'క‌త్తి' కు రీమేక్‌గా రూపొందుతోన్న ఈ చిత్రంలో త‌రుణ్ అరోరా విల‌న్‌గా న‌టిస్తుంటే కాజ‌ల్ హీరోయిన్‌గా న‌టిస్తుండ‌గా క్యాథ‌రిన్ స్పెష‌ల్ సాంగ్ లో న‌టిస్తుంది.
వీలైనంత త‌ర్వ‌గా సినిమాను పూర్తి చేసి సినిమాను సంక్రాంతి సంద‌ర్భంగా జ‌న‌వ‌రి 13న విడుద‌ల చేయాల‌ని నిర్మాత‌లు ప్లాన్ చేస్తున్నారు. సినిమా సెట్స్‌ లోకి వెళ్ళిన‌ప్ప‌టి నుండి సినిమాపై భారీ అంచ‌నాలు ఏర్ప‌డింది. తాజా స‌మాచారం ప్ర‌కారం ఖైదీ నంబ‌ర్ 150 సినిమా ఓవ‌ర్‌సీస్ హ‌క్కుల‌ను క్లాసిక్ సినిమాస్ సంస్థ దాదాపు 13.5 కోట్ల రూపాయల‌ను చెల్లించి సొంతం చేసుకున్న‌ట్లు ఫిలింన‌గ‌ర్ లో వార్త‌లు విన‌ప‌డుతున్నాయి. రిలీజ్ కు ముందే సినిమా బిజినెస్ మొత్తం పూర్త‌య్యింద‌ని యూనిట్ వ‌ర్గాలు అంటున్నాయి.