న్యూలుక్‌తో సర్‌ప్రైజ్ చేసిన చిరు..
- IndiaGlitz, [Friday,September 11 2020]
లాక్‌డౌన్ ప్రారంభమైనప్పటి నుంచి మెగాస్టార్ చిరంజీవి సోషల్ మీడియాలో యాక్టివ్‌గా ఉంటూ అభిమానులకు ఏదో ఒక సర్‌ప్రైజ్ ఇస్తూ వస్తున్నారు. ఒకసారి చేపలకూర చేసి మెప్పిస్తే.. మరోసారి దోశలు వేస్తూ.. ఇంకోసారి తన భార్యతో కలిసి గతంలో తీసుకున్న పిక్ మాదిరి పిక్‌నే తీసుకుని.. అలాగే తన మనవరాలితో సాంగ్స్ ఎంజాయ్ చేస్తున్న పిక్స్, వీడియోలను సోషల్ మీడియాలో పోస్ట్ చేసి మెప్పించారు. ఇలాంటివి ఎన్నో పోస్ట్ చేసి అభిమానులకు నిత్యం దగ్గరగా ఉంటున్న వస్తున్న చిరు.. తాజాగా పోస్ట్ చేసిన పిక్ మాత్రం బాగా ఆకట్టుకుంటోంది.
ఇటీవల క్లీన్ షేవ్‌లో కనిపించి అందరినీ చిరు ఆశ్చర్యపరిచారు. అయితే గతంలో కూడా ఆయనను అభిమానులు అలా చూసిన సందర్భాలు ఉన్నాయి. అయితే లేటెస్ట్‌గా చిరు పోస్ట్ చేసిన పిక్ మాత్రం అభిమానులు మునుపెన్నడూ చూడలేదు. అలాంటి పిక్‌ను ఇన్‌స్టాగ్రాంలో పోస్ట్ చేసి షాకిచ్చారు. ఇంతకీ ఆ లుక్ ఏమిటో పిక్‌లో చూసి మీరు తెలుసుకునే ఉంటారు. ఈ పిక్ చూసిన అభిమానులు షాకవుతున్నారు. అసలాయన చిరుయేనా అన్నట్టుగా ఉంది పిక్. అయితే ఈ న్యూ స్టైల్‌ని మెగాస్టార్ ఎందుకు ట్రై చేశారన్నది మాత్రం తెలియరాలేదు. ఏదైనా క్యారెక్టర్ ట్రయలా? లేదంటే మరేదైనా కారణమా? అన్నది తెలియాల్సి ఉంది.