close
Choose your channels

அஜித் படத்தின் ரீமேக்கில் சிரஞ்சீவி? என்ன படம் தெரியுமா?

Thursday, May 27, 2021 • தமிழ் Comments

அஜித் நடித்த ’நேர்கொண்ட பார்வை’ என்ற திரைப்படத்தின் தெலுங்கு ரீமேக்கில் பவன் கல்யாண் நடித்த நிலையில் தற்போது அஜீத்தின் இன்னொரு படத்தின் ரீமேக்கில் அவரது சகோதரர் சிரஞ்சீவி நடிக்க இருப்பதாக தகவல் வெளிவந்துள்ளது.

அஜித் நடிப்பில் கௌதம் மேனன் இயக்கத்தில் ஹாரிஸ் ஜெயராஜ் இசையில் உருவான திரைப்படம் ’என்னை அறிந்தால்’. கடந்த 2015ஆம் ஆண்டு வெளியான இந்த திரைப்படம் நல்ல வரவேற்ப்பை பெற்றது. குறிப்பாக அஜித், த்ரிஷா காட்சிகள் மிகவும் சிறப்பாக இருப்பதாக ரசிகர்கள் பாராட்டுகளை தெரிவித்து வந்தனர்.

இந்த நிலையில் இந்த படம் தற்போது தெலுங்கில் ரீமேக் செய்ய பேச்சுவார்த்தைகள் நடைபெற்று வருகிறது. அஜித் நடித்த வேடத்தில் நடிகர் சிரஞ்சீவி ஒப்புக் கொண்டுள்ளதாகவும் இந்த படத்தை சுஜீத் இயக்கவுள்ளதாகவும் தகவல்கள் வெளிவந்துள்ளன. இயக்குனர் சுஜித் ஏற்கனவே பிரபாஸ் நடித்த சாஹோ என்ற படத்தை இயக்கியுள்ளார் என்பது குறிப்பிடத்தக்கது. சிரஞ்சீவி தற்போது ’ஆச்சார்யா’ படத்தை முடித்துவிட்டு ’லூசிபர்’ படத்தின் தெலுங்கு ரீமேக்கில் நடித்து வருகிறார். இந்த படத்தை முடித்துவிட்டு அவர் ’என்னை அறிந்தால்’ ரீமேக் படத்தில் நடிப்பார் என்று கூறப்படுகிறது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz