close
Choose your channels

మ‌రోసారి త్రిష‌కు చిరు ఛాన్స్ ఇస్తాడా?

Wednesday, May 13, 2020 • తెలుగు Comments

మ‌రోసారి త్రిష‌కు చిరు ఛాన్స్ ఇస్తాడా?

మెగాస్టార్ చిరంజీవితో స్టాలిన్ సినిమాలో త్రిష జోడీ క‌ట్టింది. దాని త‌ర్వాత చిరు 152వ చిత్రం ‘ఆచార్య‌’లోనూ జోడీ క‌ట్టాల్సింది. అయితే చివ‌రి నిమిషంలో క్రియేటివ్ డిఫ‌రెన్సెస్‌తో త‌ప్పుకుంటున్న‌ట్లు ప్ర‌క‌టించింది. త్రిష స్థానంలో కాజ‌ల్ అగ‌ర్వాల్ హీరోయిన్‌గా న‌టిస్తోంది. కాగా రీసెంట్‌గా త్రిష పుట్టిన‌రోజుకు చిరంజీవి అభినంద‌న‌లు చెప్పి మ‌ధ్య గ్యాప్‌ను పూర్తి చేశాడు. ఇప్పుడు మ‌రోసారి చిరంజీవి సినిమాలో త్రిష న‌టిస్తుంద‌ని సోష‌ల్ మీడియాలో వార్త‌లు విన‌ప‌డుతున్నాయి.

వివ‌రాల్లోకెళ్తే.. చిరంజీవి ‘ఆచార్య‌’ త‌ర్వాత మ‌ల‌యాళ చిత్రం ‘లూసిఫ‌ర్‌’ రీమేక్‌లో న‌టించాల్సి ఉంది. దీనికి సుజిత్ ద‌ర్శ‌క‌త్వం వ‌హించ‌నున్నారు. దీని త‌ర్వాత చిరు త‌మిళ చిత్రం వేదాళం రీమేక్‌లోనూ న‌టించ‌బోతున్నార‌ని, దానికి మెహ‌ర్ ర‌మేశ్ ద‌ర్శ‌క‌త్వం వ‌హిస్తార‌ని వార్త‌లు విన‌ప‌డుతున్నాయి. మెహ‌ర్ దీనికి సంబంధించిన స్క్రిప్ట్‌ను సిద్ధం చేసే ప‌నిలో ఉన్నాడ‌ట‌. ఈ నేప‌థ్యంలో లూసిఫ‌ర్ లేదా వేదాళం.. ఈ రెండు రీమేక్స్‌లో ఏదో ఒక‌దానిలో త్రిష‌ను హీరోయిన్‌గా తీసుకునే అవ‌కాశం ఉంద‌ని వార్త‌లు విన‌ప‌డుతున్నాయి. అయితే సోష‌ల్ మీడియాలో విన‌ప‌డుతున్న ఈ వార్త‌ల‌పై మెగా క్యాంప్ ఎలా స్పందిస్తుందో తెలియ‌డం లేదు.మరి నిజంగానే మెగాస్టార్ త్రిషకు ఛాన్స్ ఇస్తాడో లేదో చూడాలి.

Get Breaking News Alerts From IndiaGlitz