మెగాస్టార్ చిరంజీవి తొలి ట్వీట్ ఇదే
- IndiaGlitz, [Wednesday,March 25 2020]
మెగాస్టార్ చిరంజీవి సోషల్ మీడియాలోకి ఎంట్రీ ఇచ్చారు. ఉగాది సంద‌ర్భంగా తాను సోషల్ మీడియాలోకి ఎంట‌ర్ అవుతున్నాన‌ని ఆయ‌న తెలియ‌జేసిన సంగ‌తి తెలిసిందే. తొలి ట్వీట్‌తో ఆయ‌నేం చెబుతారోన‌ని అంద‌రిలో ఆస‌క్తి క‌లిగింది. అన్న‌ట్లుగానే ఉగాది రోజున ఉద‌యం 11గంట‌ల 11 నిమిషాల‌కు చిరంజీవి తొలి ట్వీట్ చేశారు.
‘‘అంద‌రికీ శార్వ‌రి నామ ఉగాది శుభాకాంక్ష‌లు. నా తోటి భార‌తీయులంద‌రితో, తెలుగు ప్ర‌జ‌ల‌తో, నాకు అత్యంత ప్రియ‌మైన అభిమానులంద‌రితో నేరుగా ఈ వేదిక నుంచి మాట్లాడ‌గ‌ల‌గ‌టం నాకెంతో ఆనందంగా ఉంది. ఈ సంవ‌త్స‌రాది రోజు ప్రపంచాన్ని కుదిపేస్తున్న కోరోనా మ‌హ‌మ్మారిని క‌లిసి క‌ట్టుఆ జ‌యించ‌డానికి కంక‌ణం క‌ట్టుకుందాం. ఇంటి ప‌ట్టునే ఉందాం. సురక్షితంగా ఉందాం.
21 రోజులు మ‌నంద‌రినీ ఇళ్ల‌ల్లోనే ఉండ‌మ‌ని భార‌త ప్రభుత్వం ఇచ్చిన ఆదేశం కరోనా మ‌హ‌మ్మారిని ఎదుర్కొనడానికి ఓ అనివార్య‌మైన చ‌ర్య. ఈ క్లిష్ట స‌మ‌యంలో మ‌నం, మ‌న కుటుంబాలు, మ‌న దేశం సురక్షితంగా ఉండ‌టానికి మ‌న ప్రియ ప్ర‌ధాని శ్రీ న‌రేంద్ర‌మోడీగారు, మ‌న ప్రియ ముఖ్య‌మంత్రులు శ్రీకేసీఆర్‌గారు, శ్రీ జ‌గ‌న్‌గారు ఇచ్చే ఆదేశాల‌ను పాటిద్దాం. ఇంటి ప‌ట్టునే ఉందాం. సురక్షితంగా ఉందాం’’ అని అంద‌రికీ ఉగాది శుభాకాంక్ష‌లు చెప్ప‌డ‌టంతో పాటు కరోనా వైర‌స్ నుండి జాగ్ర‌త్త‌గా ఉండాల‌ని కూడా సూచించారు మెగాస్టార్ చిరంజీవి.
#HappySarvariUgadi
— Chiranjeevi Konidela (@KChiruTweets) March 25, 2020
DELIGHTED to directly engage with my beloved fellow Indians,Telugus & my dearest fans through a platform like this.This #NewYear’s Day,let’s resolve to defeat this global health crisis with awareness & responsibility. #UnitedAgainstCorona #StayHomeStaySafe pic.twitter.com/Fb3Cnw4nHH