చిరు ప్రీ లుక్ పోస్టర్ అదిరింది..!
- IndiaGlitz, [Thursday,August 18 2016]
మెగాస్టార్ చిరంజీవి 150వ చిత్రం శ‌ర‌వేగంగా షూటింగ్ జ‌రుపుకుంటుంది. మాస్ డైరెక్ట‌ర్ వి.వి.వినాయ‌క్ దర్శకత్వంలో రామ్ చ‌ర‌ణ్ ఈ చిత్రాన్ని నిర్మిస్తున్నారు. చిరంజీవి పుట్టిన‌రోజు కానుక‌గా ఈనెల 22న ఫస్ట్ లుక్ రిలీజ్ చేస్తాను అని రామ్ చ‌ర‌ణ్ ప్ర‌క‌టించ‌డంతో అభిమానులు ఎప్పుడెప్పుడు ఫస్ట్ లుక్ చూస్తామా అని ఆస‌క్తితో ఎదురు చూస్తున్నారు.
ఇదిలా ఉంటే...కొణిదె ప్రొడ‌క్ష‌న్స్ బ్యాన‌ర్ పై రూపొందుతున్న చిరు 150వ చిత్రం ప్రీ లుక్ ను రామ్ చ‌ర‌ణ్ రిలీజ్ చేసారు.ఒక మ్యాప్, రెడ్ క‌ల‌ర్ క‌ర్టెన్..ఈ ప్రీ లుక్ పోస్టర్ లో క‌నిపిస్తున్నాయి. ఆ మ్యాప్ హైద‌రాబాద్ కి సంబంధించింది అని తెలిసేలా బుద్ధుడు విగ్ర‌హం, చార్మినార్, గోల్కండ కోట క‌నిపిస్తున్నాయి. డిఫ‌రెంట్ గా ఉన్న ఈ పోస్టర్ అభిమానులను ఎంత‌గానో ఆక‌ట్టుకుంటుంది. ఈనెల 22న చిరు పుట్టిన‌రోజు తో పాటు చిరు 150వ చిత్రం ఫస్ట్ లుక్ కూడా రిలీజ్ కానుండ‌డంతో అభిమానులు ఎంతో ఆస‌క్తితో ఎదురుచూస్తున్నారు. మ‌రి..చిరు ఫస్ట్ లుక్ ఏస్ధాయిలో ఆక‌ట్టుకుంటుందో చూడాలి.