పవన్ వదినగానా.. కండిషన్ అప్లయ్
- IndiaGlitz, [Monday,January 01 2018]
ప‌వ‌ర్ స్టార్ పవన్ క‌ల్యాణ్ న‌టించిన ఖుషి చిత్రం ఎంత‌టి ఘ‌న‌విజ‌యం సాధించిందో ప్ర‌త్యేకంగా చెప్ప‌న‌క్క‌ర్లేదు. ఆ సినిమాతోనే తెలుగులో తొలి విజ‌యాన్ని సొంతం చేసుకుంది సీనియ‌ర్ హీరోయిన్ భూమిక. ఆ త‌రువాత మ‌రికొన్ని హిట్ చిత్రాల్లో క‌నిపించి.. టాప్ హీరోయిన్ అని అనిపించుకుంది. ఈ మ‌ధ్య కొంత‌కాలం సినిమాల‌కు దూర‌మైన భూమిక.. తాజాగా ఎం.సి.ఎ చిత్రంలో నేచుర‌ల్ స్టార్ నానికి వ‌దిన‌గా సంద‌డి చేసిన సంగ‌తి తెలిసిందే. ఈ సినిమా సూప‌ర్ హిట్ అవ‌డ‌మే కాకుండా.. భూమిక‌కి న‌టిగా మంచి పేరు తీసుకువ‌చ్చింది.
ఈ నేప‌థ్యంలో.. ప‌వ‌న్‌కి జోడీగా న‌టించిన మీరు.. అత‌నికి వ‌దిన‌గా న‌టించే అవ‌కాశం వ‌స్తే ఓకే చెబుతారా అంటూ మీడియా ప్ర‌శ్నించింది. ఇందుకు భూమిక ఏం చెప్పిందో తెలుసా? ఎం.సి.ఎ కంటే వంద‌రెట్లు శ‌క్తిమంతంగా ఉంటేనే ఆ పాత్ర చేస్తాను.. లేదంటే లేదు. అయితే ఇది ఇప్ప‌ట్లో సాధ్య‌మ‌య్యే విష‌య‌మైతే కాదు అని చెప్పింది. ప‌నిలో ప‌నిగా పవన్ చాలా సున్నిత‌మైన వ్య‌క్తిత్వం ఉన్న మ‌నిషి అంటూ కితాబునిచ్చింది భూమిక.