என்ன நடக்கின்றது டுவிட்டரில்? கோலிவுட்டில் பரபரப்பு
- IndiaGlitz, [Saturday,March 04 2017]
கடந்த சில நாட்களாகவே பிரபல பாடகி ஒருவரின் டுவிட்டரில் சர்ச்சைக்குரிய தகவல்கள், புகைப்படங்கள் ஆகியவை பதிவாகி கோலிவுட்டின் ஒருசிலரை தூங்கவிடாமல் செய்துள்ளது. இந்த பாடகியின் டுவிட்டர் அக்கவுண்ட் ஹேக் செய்யப்பட்டு இந்த பதிவுகள் அனைத்தும் ஹேக்கர்களால் பதிவு செய்யப்படுவதாக கூறப்பட்டு வந்தபோதிலும், இது எந்த அளவுக்கு உண்மை என்று தெரியவில்லை
பொதுவாகவே ஒருவர் பலரால் பாதிக்கப்பட்டால் ஒருகட்டத்தில் பொறுமை மீறி யார் யாரால் பாதிக்கப்பட்டார்களோ அந்த நபர்களை பழிதீர்த்து கொள்வது மனித இயல்பு. அவ்வாறு பொறுமை மீறி அந்த பாடகி நடந்து கொள்கிறாரா? அல்லது ஒருசிலர் கூறுவது போல் மன அழுத்தம் காரணமாக இவ்வாறான பதிவுகள் பதிவு செய்யப்படுகிறதா? என்று தெரியவில்லை
மேலும் இந்த பதிவுகளுக்கு பாடகியின் கணவர்தான் விளக்கம் கொடுக்கின்றாரே தவிர, சம்பந்தப்பட்ட பாடகியிடம் இருந்து எந்த விளக்கமும் வரவில்லை. இதனால் அவர் தற்போது எங்கே இருக்கின்றார் என்றும், அவர் அவரது குடும்பத்தினர் கட்டுப்பாட்டில்தான் இருக்கின்றாரா? என்ற சந்தேகமும் எழுகிறது.
இன்னும் வரும் நாட்களில் பிரபலங்களின் அந்தரங்க வீடியோக்களையும் அந்த பாடகி வெளியிடவுள்ளதாக தகவல்கள் வெளிவந்திருப்பதால் சம்பந்தப்பட்ட கோலிவுட் பிரபலங்கல் கலக்கம் அடைந்துள்ளதாக கூறப்படுகிறது.