தமிழ் திரையுலகின் முன்னணி டான்ஸ் மாஸ்டர், நடிகர் மற்றும் இயக்குனர் என அறியப்பட்ட பாபா பாஸ்கர், விஜய் டிவியில் ஒளிபரப்பான "குக் வித் கோமாளி" என்ற நிகழ்ச்சியின் மூலம் மக்கள் மத்தியில் மிகப்பெரிய அளவில் பிரபலமானார்.

இப்போதும் பல படங்களில் டான்ஸ் மாஸ்டர் ஆக பணியாற்றிக் கொண்டிருக்கும் அவர், சமீபத்தில் அளித்த பேட்டியில், "ஜனநாயகன்" படத்தில் ஒரு கதாபாத்திரத்தில் நடிக்கிறேன் என்று கூறியுள்ளார்.

மேலும், "தளபதியுடன் தோளோடு தோள் நின்றாலே போதும். அவர் ஒரு மிகச் சிறந்த மனிதர். பக்கத்தில் இருப்பவர்களை வளர்த்து விடும் எண்ணம் கொண்டவர். ரகசியமாக பலரை வளர்த்திருக்கிறார். இளம் தலைமுறையை தட்டிக் கொடுக்க அவர் தயங்குவதில்லை" என்று புகழ்ந்து பேசினார்.

அத்துடன், தனுஷின் "இட்லி கடை" பட பணிகளில் கிட்டத்தட்ட ஒரு துணை இயக்குநர் போலவே பணி புரிந்ததாகவும், அந்த படம் ஒரு சூப்பரான எமோஷனல் படமாக இருக்கும் எனவும் தெரிவித்துள்ளார்.

அவரின் இந்த பேட்டி தற்போது இணையத்தில் வைரல் ஆகி வருகிறது.