குக் வித் கோமாளி அடுத்த சீசன்.. தாமுவுடன் கைகோர்க்கும் நடுவர் இவரா?
- IndiaGlitz, [Monday,March 11 2024]
விஜய் டிவியில் ஒளிபரப்பாகும் மிகவும் பிரபலமான நிகழ்ச்சிகளில் ஒன்று ’குக் வித் கோமாளி’ என்பதும் இந்த நிகழ்ச்சியின் நான்கு சீசன்களும் மிகப்பெரிய அளவில் வரவேற்பை பெற்றது என்பதும் தெரிந்தது.
ஆனால் யார் கண் பட்டதோ இந்த நிகழ்ச்சியின் தயாரிப்பாளர், இயக்குனர் மற்றும் நடுவர் வெங்கடேஷ் பட் ஆகியோர் திடீரென விலகிய நிலையில் அடுத்த சீசன் வருமா என்ற கேள்வி எழுந்தது.
ஆனால் விஜய் டிவி வட்டாரங்களில் இதுகுறித்து விசாரித்தபோது வெங்கடேசன் பட் இந்த நிகழ்ச்சியில் இருந்து விலகி விட்டாலும் தாமு தொடர்ந்து இந்த நிகழ்ச்சியில் இருப்பார் என்றும் அவருடன் நடிகர் சுரேஷ் நடுவராக பங்கேற்பார் என்று கூறி வருகின்றனர்.
மேலும் ஜெகன் என்பவர் இந்த நிகழ்ச்சியை தயாரிக்க வாய்ப்பு இருப்பதாகவும் அடுத்த சீசன் குறித்த அறிவிப்பு கொஞ்சம் தாமதமாக வெளி வந்தாலும் கண்டிப்பாக வரும் என்றும் கூறப்பட்டு வருகிறது.
ஏற்கனவே கிச்சன் சூப்பர் ஸ்டார் என்ற நிகழ்ச்சியை நடிகர் சுரேஷ் நடத்திய நிலையில் தற்போது தாமுவும் அவரும் சேர்ந்து அடுத்த சீசனை நடத்துவார்கள் என்று எதிர்பார்க்கப்படுகிறது.
குக் வித் கோமாளி நிகழ்ச்சியின் அடுத்த சீசனுக்கு சில சிக்கல்கள் ஏற்பட்டாலும் கண்டிப்பாக விஜய் டிவி அடுத்த சீசனை ஹிட்டாக்கும் வகையில் தான் நடுவர்கள், தயாரிப்பாளர், மற்றும் குக் கோமாளிகளை தேர்வு செய்யும் என்றும் பழைய சீசனுக்கு இணையாக புதிய சீசன் கண்டிப்பாக இருக்கும் என்றும் விஜய் டிவி வட்டாரங்கள் தெரிவிக்கின்றன.