ஷிவாங்கியின் புதிய சாதனை: ரசிகர்கள் மகிழ்ச்சி!
- IndiaGlitz, [Tuesday,April 27 2021]
குக் வித் கோமாளி சீசன் 2 நிகழ்ச்சியில் கலந்து கொண்ட அனைவருமே தற்போது வேற லெவலில் பிரபலம் ஆகி விட்டார்கள் என்பது தெரிந்ததே. குறிப்பாக புகழ், ஷிவாங்கி மற்றும் அஸ்வின் ஆகியோர்களுக்கு கூடுதலாக பிரபலம் கிடைத்துள்ளது என்பதும் அது மட்டுமின்றி அவர்களுக்கு திரையுலகில் வாய்ப்புகளும் குவிந்து வருகிறது என்பதும் குறிப்பிடத்தக்கது
இந்த நிலையில் தற்போது சத்தமில்லாமல் ஷிவாங்கி சமூகவலைதளத்தில் ஒரு சாதனையை செய்து உள்ளார். ஷிவாங்கியின் இன்ஸ்டாகிராம் பக்கத்தில் தற்போது 3 மில்லியன் ஃபாலோயர்கள் கிடைத்துள்ளனர். இதனை ஷிவாங்கி மகிழ்ச்சியுடனும் பெருமையுடனும் குறிப்பிட்டு அனைவருக்கும் நன்றி தெரிவித்துள்ளார்
ஷிவாங்கி தவிர ’குக் வித் கோமாளி’ நிகழ்ச்சியில் கலந்து கொண்ட யாருக்கும் 3 மில்லியன் ஃபாலோயர்கள் இல்லை என்பதால் இது ஷிவாங்கியின் சாதனைகளில் ஒன்றாக கருதப்படுகிறது. இதனை அடுத்து ஷிவாங்கி ரசிகர்கள் அவருக்கு 3 மில்லியன் ஃபாலோயர்கள் கிடைத்ததை கொண்டாடி வருகின்றனர்.
ஷிவாங்கி தற்போது சிவகார்த்திகேயன் நடித்து வரும் ‘டான்’ என்ற படத்தில் கல்லூரி மாணவியாக நடித்து வருகிறார் என்று கூறப்படுகிறது. மேலும் ஒரு சில படங்களில் நடிப்பதற்கு அவர் பேச்சுவார்த்தை நடத்தி வருவதாகவும் கூறப்படுகிறது.