சூப்பர் ஸ்டார் ரஜினிகாந்த் நடித்து வரும் 'கூலி' படத்தின் படப்பிடிப்பு விறுவிறுப்பாக நடைபெற்று வருகிறது. இந்த படத்தின் படப்பிடிப்பு விரைவில் முடிவடையும் என்றும், அதன் பிறகு தொழில்நுட்ப பணிகள் தொடங்கும் என்றும் கூறப்படுகிறது.

இந்த நிலையில், படத்தின் படப்பிடிப்பு நிறைவு கட்டத்தில் இருக்கும் போது வியாபாரமும் தொடங்கி விட்டதாக தகவல் வெளியாகியுள்ளது. முதல் கட்டமாக, இந்த படத்தின் ஓடிடி ரிலீஸ் உரிமையை அமேசான் பிரைம் கேட்டிருப்பதாகவும், மேலும் அமேசான் இந்த திரைப்படத்தை ரூ.120 கோடிக்கு வாங்கி இருப்பதாகவும் கூறப்படுகிறது. இருப்பினும், இது குறித்து அதிகாரப்பூர்வ தகவல் இனிமேல் தான் வெளியாகும் என்று எதிர்பார்க்கப்படுகிறது.

அடுத்தடுத்து சாட்டிலைட் வியாபாரம் உட்பட, மற்ற அனைத்து வியாபாரங்களும் தொடர்ந்து நடைபெறும் என்று எதிர்பார்க்கப்படுகிறது. முதல் முறையாக ரஜினிகாந்த் மற்றும் லோகேஷ் கனகராஜ் இணைந்திருக்கும் திரைப்படம் என்பதால், திரையுலகத்தின் மிகப்பெரிய எதிர்பார்ப்பை ஏற்படுத்தியுள்ளது.

ரஜினிகாந்த், நாகார்ஜுனா, ஸ்ருதிஹாசன், சத்யராஜ், உபேந்திரா, ஷோபின் ஷாஹிர் உள்ளிட்ட பலர் நடித்துள்ள 'கூலி' திரைப்படத்தை சன் பிக்சர்ஸ் நிறுவனம் தயாரித்து வருகிறது. அனிருத் இசையமைக்க, கிரிஷ் கங்காதரன் ஒளிப்பதிவு செய்துள்ளார். பிலோமின் ராஜ் படத்தொகுப்பில் உருவாகி வரும் இந்த படத்தை, பெரும் பொருட்செலவில் சன் பிக்சர்ஸ் நிறுவனம் தயாரித்து வருகிறது.