ஆந்திர மாநிலம் திருப்பதி பகுதியில் 65 வயதான மூதாட்டி ஒருவர் தனக்கு கொரோனா இருக்கும் தகவல் அறிந்ததும் அதிர்ச்சியில் உயிரையே விட்டு இருக்கிறார். இச்சம்பவம் அப்பகுதியில் கடும் அதிர்ச்சியை ஏற்படுத்தி இருக்கிறது.

திருப்பதி அடுத்த பீலேரு கலிகிரி எனும் பகுதியில் தன்னுடைய கணவர் மற்றும் மகனுடன் வசித்துவரும் 65 வயதான மூதாட்டிக்கு கடந்த சில தினங்களுக்கு முன்பு லேசான காய்ச்சல் ஏற்பட்டு இருக்கிறது. இதனால் கலிகிரி பகுதியில் உள்ள மருத்துவமனையில் கொரோனா பரிசோதனைக்கு சென்றிருக்கிறார். இந்தப் பரிசோதனைக்கு சென்றுவிட்டு 2 நாட்கள் கழித்தப்பின்பு அவருடைய செல்போனுக்கு ஒரு குறுந்தகவல் வந்திருக்கிறது. அதில் உங்களுக்கு கொரோனா பாசிட்டிவ் எனக் குறிப்பிடப்பட்டு இருந்ததாகக் கூறப்படுகிறது.

இதைப் பார்த்த அந்த மூதாட்டிக்கு உடனே அதிர்ச்சி ஏற்பட்டதாகவும் அந்த அதிர்ச்சியில் அவர் உயிரிழந்து விட்டதாகவும் பரபரப்பு தகவல் வெளியாகி இருக்கிறது. இச்சம்பவம் அப்பகுதியில் கடும் அதிர்ச்சியை ஏற்படுத்தி இருக்கிறது.