உலகப்புகழ் பெற்ற ஸ்பெயின் நடிகைக்கு கொரோனா: அதிர்ச்சியில் ரசிகர்கள்
Friday, March 20, 2020 தமிழ் Comments
Listen to article
--:-- / --:--
1x
This is a beta feature and we would love to hear your feedback? Send us your feedback to audioarticles@vaarta.com
‘மணி ஹெய்ஸ்ட்’ (Money Heist) என்ற உலகப்புகழ் பெற்ற தொலைக்காட்சி தொடரில் இன்ஸ்பெக்டர் வேடத்தில் நடித்து கோடிக்கணக்கான ரசிகர்களை கவர்ந்தவர் ஸ்பெயின் நடிகை இட்ஸியார் இட்னோ (Itziar Ituño). இவருக்கு தற்போது கொரோனா வைரஸ் தாக்கியுள்ளது உறுதி செய்யப்பட்டுள்ளது.
இதுகுறித்து நடிகை இட்ஸியார் இட்னோ தனது சமூக வலைத்தளத்தில் ‘கடந்த வெள்ளி முதல் தனக்கு கொரோனா அறிகுறி இருந்ததாகவும், இதனையடுத்து தனது ரத்தமாதிரி சோதனையில் தற்போது கொரோனா உறுதி செய்யப்பட்டிருப்பதாகவும் குறிப்பிட்டுள்ளார்.
மேலும் தான் மருத்துவமனையில் சிகிச்சை எடுத்து கொண்டிருக்கும் புகைப்படத்தையும் அவர் தனது சமூக வலைத்தளத்தில் பதிவு செய்துள்ளார். நடிகை இட்ஸியார் இட்னோக்கு கொரோனா என்ற செய்தி அறிந்து அவரது ரசிகர்கள் கடும் அதிர்ச்சி அடைந்துளனர். விரைவில் அவர் குணமாக வாழ்த்து தெரிவித்து வருகின்றனர்.
மணி ஹெய்ஸ்ட்’ என்ற தலைப்பில் தொலைக்காட்சி தொடர் கடந்த 2017ஆம் ஆண்டு தொடங்கி, வருடத்துக்கு ஒரு பாகமாக வெளிவந்து கொண்டிருக்கும் நிலையில் இதன் நான்காம் பாகம் வரும் ஏப்ரல் 3ஆம் தேதி முதல் தொடங்கவுள்ளது என்பது குறிப்பிடத்தக்கது