వివాదాస్పద సినిమాకు లైన్ క్లియర్...
- IndiaGlitz, [Tuesday,July 25 2017]
కాంటెంప‌ర‌రీ స‌మ‌స్య‌ల‌పై సినిమాలు తీసే ద‌ర్శ‌కుడు మ‌ధు బండార్క‌ర్ దర్శకత్వంలో రానున్న సినిమా 'ఇందు సర్కార్'. అత్య‌వ‌స‌ర ప‌రిస్థితి స‌మ‌యంలో ఇండియాలో నెల‌కొన్న నిజ ప‌రిస్థితుల‌ను ఈ సినిమా చూపించ‌బోతున్నారు. వివాద‌స్ప‌ద‌మైన అంశాన్ని సినిమా రూపంలో తీసుకొస్తున్నార‌ని ఈ సినిమాపై కాంగ్రెస్ నాయ‌కులంతా వెలెత్తి చూపారు.
చివ‌ర‌కు సెన్సార్ స‌భ్యులు సినిమా చూసి 14 క‌ట్స్‌తో సినిమాను విడుద‌ల చేయ‌డానికి అంగీక‌రించారు. కీర్తి కుల్హరీ, నీల్‌ నితిన్‌ ముఖేశ్‌, అనుపమ్‌ ఖేర్‌ ప్రధాన పాత్రల్లో న‌టించారు. సినిమా సెన్సార్ పూర్తి కావ‌డంతో 'ఇందు సర్కార్' యూనిట్ ఊపిరి పీల్చుకుంది. సినిమా జూలై 28న విడుద‌ల కానుంది.