ஓபிஎஸ் இல்லத்தில் தீபா. ஆரத்தி எடுத்து வரவேற்பு
- IndiaGlitz, [Wednesday,February 15 2017]
ஜெயலலிதாவின் அண்ணன் மகள் தீபா வரும் 24ஆம் தேதி ஜெயலலிதா பிறந்த தினத்தில் அரசியல் பிரவேசம் குறித்த முக்கிய அறிவிப்பை வெளியிடுவேன் என்று கூறியிருந்த நிலையில் சற்று முன்னர் ஜெயலலிதா நினைவிடத்தில் அவர் முதல்வர் ஓபிஎஸ் அவர்களை சந்தித்து தனது ஆதரவை அளித்தார்.
மேலும் இன்று முதல் தனது அரசியல் பிரவேசத்தை ஆரம்பிக்க உள்ளதாகவும், முதலமைச்சரும் தானும் அதிமுகவின் இரு கரங்களாக இணைந்து செயல்படுவோம் என்றும் பேட்டி அளித்துள்ளார்.
பின்னர் தீபா முதல்வர் ஓபிஎஸ் அவர்களுடன் அவருடைய இல்லத்திற்கு சென்றார். அங்கு ஓபிஎஸ் குடும்பத்தினர் தீபாவுக்கு ஆரத்தி எடுத்து வரவேற்பு கொடுத்தனர். ஓபிஎஸ் இல்லத்திற்கு சென்றுள்ள தீபா, முதல்வருடன் அடுத்தகட்ட நடவடிக்கை குறித்து ஆலோசனை செய்வார் என்று எதிர்பார்க்கப்படுகிறது.