ஜிவி பிரகாஷ் - தனுஷ் கூட்டணியில் இணைந்த ஏ.ஆர்.ரஹ்மான்!
- IndiaGlitz, [Wednesday,September 09 2020]
கோலிவுட் திரையுலகின் நடிகர் மற்றும் இசையமைப்பாளர் ஜிவி பிரகாஷின் முதல் சர்வதேச ஆங்கில ஆல்பம் தயாராகி கொண்டு வருகிறது என்பதும், இது குறித்து ஜிவி பிரகாஷ் தனது சமூக வலைத்தளத்தில் ஏற்கனவே தெரிவித்தார் என்பதும் தெரிந்ததே.
ஜிவி பிரகாஷ் மற்றும் கனடா நாட்டின் பாடகி ஜூலியா கர்தா இணைந்து உருவாக்கிய ’கோல்ட் நைட்ஸ்’ என்ற ஆல்பத்தின் ஃபர்ஸ்ட் சிங்கிள் செப்டம்பர் 17ஆம் தேதி வெளியாக உள்ளதாகவும் இந்த ஆல்பத்தை நடிகர் தனுஷ் வெளியிடவுள்ளதாகவும் சமீபத்தில் ஜிவி பிரகாஷ் அறிவித்திருந்தார்.
இந்த நிலையில் தற்போது இந்த ஆல்பத்தை தனுஷூடன் இணைந்து இசைப்புயல் ஏ.ஆர்.ரஹ்மான் அவர்களும் வெளியிடவுள்ளதாக ஜிவி பிரகாஷ் அறிவித்துள்ளார். எனவே வரும் 17ஆம் தேதி தனுஷ் மற்றும் ஏ.ஆர்.ரஹ்மான் ஆகிய இருவரும் ஜிவி பிரகாஷின் ’கோல்ட் நைட்ஸ்’ என்ற ஆங்கில ஆல்பத்தை வெளியிடவுள்ளனர் என்பது குறிப்பிடத்தக்கது.
Yes my favorite people will launch my English single together .... @arrahman sir will launch #HighandDry on September 17 on his social media platforms @JuliaGartha @orchtweets @oklistenin pic.twitter.com/QXiG9yq6HT
— G.V.Prakash Kumar (@gvprakash) September 9, 2020