புதுமாப்பிள்ளை யோகிபாபுவுக்கு பிரபல நடிகர் அளித்த தங்க செயின்!
- IndiaGlitz, [Tuesday,February 11 2020]
பிரபல காமெடி நடிகர் யோகிபாபுவுக்கும் மஞ்சு பார்கவி என்ற பெண்ணுக்கும் சமீபத்தில் யோகிபாபுவின் குலதெய்வம் கோவிலில் திருமணம் நடைபெற்றது என்பதும் இந்த திருமணத்தில் இரு வீட்டாரின் நெருங்கிய உறவினர்கள் மட்டும் கலந்து கொண்டார்கள் என்பதும் தெரிந்ததே.
மேலும் வரும் மார்ச் மாதம் யோகிபாபு-மஞ்சுபார்கவி திருமண வரவேற்பு நிகழ்ச்சி சென்னையில் நடைபெற உள்ளதாகவும் அதில் திரையுலகினர், ரசிகர்கள் அனைவரும் கலந்து கொள்ள இருப்பதாகவும் அறிவிக்கப்பட்டுள்ளது
இந்த நிலையில் தனுஷ் நடித்து வரும் ’கர்ணன்’ படத்தில் ஒரு முக்கிய கேரக்டரில் யோகிபாபு நடித்து வருகிறார். திருமணத்திற்கு பின் மீண்டும் ’கர்ணன்’ படத்தின் படப்பிடிப்பில் கலந்து கொண்ட யோகி பாபுவுக்கு தனுஷ் உள்பட படக்குழுவினர் வாழ்த்து தெரிவித்தனர்.
அதுமட்டுமின்றி யோகிபாபுவுக்கு திருமண பரிசாக தங்க செயினை அவரது கழுத்தில் தனுஷ் அணிவித்தார். இதுகுறித்த புகைப்படங்கள் தற்போது சமூக வலைதளங்களில் வைரல் ஆகி வருகிறது என்பது குறிப்பிடத்தக்கது