'தனுஷ் 50' படத்தின் இசையமைப்பாளர் இந்த பிரபலமா?
- IndiaGlitz, [Tuesday,February 21 2023]
தனுஷின் 50வது படம் குறித்த அறிவிப்பு கடந்த சில நாட்களுக்கு முன் வெளியானது என்பதும் சன் பிக்சர்ஸ் நிறுவனம் தயாரிக்கும் இந்த படத்தை தனுஷ் இயக்க இருப்பதோடு சிறப்பு தோற்றத்திலும் நடிக்க இருப்பதாகவும் கூறப்படுகிறது.
விஷ்ணு விஷால் முக்கிய வேடத்தில் நடிக்கும் இந்த திரைப்படத்தில் துஷாரா விஜயன் நாயகியாக நடிக்க இருப்பதாகவும் மேலும் இந்த படத்தில் காளிதாஸ் ஜெயராமன், எஸ்.ஜே சூர்யா ஆகியோர் நடிக்க பேச்சுவார்த்தை நடைபெற்று வருவதாகவும், இது குறித்த அறிவிப்பு விரைவில் வெளியாகும் என்றும் கூறப்பட்டது.
இந்த படத்தின் படப்பிடிப்பு விரைவில் தொடங்கும் என்றும் கூறப்படும் நிலையில் தற்போது இந்த படத்திற்கு இசைப்புயல் ஏஆர் ரகுமான் இசை அமைக்க இருப்பதாகவும் இது குறித்த அதிகாரப்பூர்வ அறிவிப்பு விரைவில் வெளியாகும் என்றும் கூறப்படுகிறது.
இந்த நிலையில் தனுஷின் முன்னாள் மனைவி ஐஸ்வர்யா ரஜினிகாந்த் இயக்கத்தில் உருவாக இருக்கும் ’லால் சலாம்’ படத்திற்கும் இசையமைப்பாளர் ஏஆர் ரகுமான் தான் என்பதும், இந்த பட்த்திலும் விஷ்ணு விஷால் தான் முக்கிய வேடத்தில் நடிக்கவுள்ளார் என்பது குறிப்பிடத்தக்கது.