தனுஷ் நடித்து இயக்க உள்ள 'D50’ என்ற திரைப்படத்தின் அறிவிப்பு சமீபத்தில் அதிகாரப்பூர்வமாக வெளியானது என்பதை பார்த்தோம். தனுஷின் 50 வது படமாக உருவாக இருக்கும் இந்த படத்தை ’பா பாண்டி’ திரைப்படத்திற்கு பின்பு தனுஷ் இயக்கி நடிக்க உள்ளார் என்பது குறிப்பிடத்தக்கது.

இந்த நிலையில் இந்த படத்தின் கதை குறித்த தகவல் தற்போது கசிந்து உள்ளது. நீண்ட இடைவேளைக்கு தனுஷ் முதன் முதலாக அண்ணன் தம்பி தங்கை சென்டிமென்ட் கதையை கையில் எடுத்துள்ளார். இந்த படத்தில் தனுஷின் சகோதரராக எஸ்ஜே சூர்யா, சந்தீப் கிஷான் ஆகியோர் நடிக்க இருப்பதாகவும், சகோதரியாக துஷாரா விஜயன் நடிக்க இருப்பதாகவும் தனுஷின் ஜோடியாக அபர்ணா பாலமுரளி நடிக்க இருப்பதாகவும் கூறப்படுகிறது. மேலும் முக்கிய வேடத்தில் காளிதாஸ் ஜெயராம் நடிக்க உள்ளார் என்பது குறிப்பிடத்தக்கது.

இந்த படத்திற்காக தனுஷ் வித்தியாசமான ஹேர் ஸ்டைல் வைக்க இருப்பதாகவும் ஜூலை 1 முதல் சென்னையில் படப்பிடிப்பு தொடங்க இருப்பதாகவும் 90 நாள் ஒரே ஷெட்யூலில் இந்த படத்தை முடிக்க திட்டமிடப்பட்டுள்ளதாக கூறப்படுகிறது.

அண்ணன் தம்பி தங்கை சென்டிமென்ட் கதை அம்சம் கொண்ட இந்த படம் ரசிகர்களை மனதை கவரும் என்று எதிர்பார்க்கப்படுகிறது.