தனுஷ் நடித்துள்ள 'குபேரா' திரைப்படம் வரும் 20ஆம் தேதி வெளியாகவுள்ளது. இந்த நிலையில், இந்தப் படத்தின் ரன்னிங் டைம் 3 மணி நேரத்திற்கும் அதிகமாக இருந்ததால், தற்போது சில நிமிடங்கள் குறைக்கப்பட்டு மீண்டும் சென்சார் செய்யப்பட்டுள்ளதாக தகவல்கள் வெளியாகியுள்ளன.

தனுஷ் மற்றும் ராஷ்மிகா மந்தனா நடிப்பில், சேகர் கம்முலா இயக்கத்தில், தேவி ஸ்ரீ பிரசாத் இசையில் உருவாகியுள்ள 'குபேரா' திரைப்படம் தமிழ், தெலுங்கு, மலையாளம், கன்னடம், ஹிந்தி ஆகிய ஐந்து மொழிகளில் உருவாகியுள்ளது. இந்தப் படத்தின் டீசர் சமீபத்தில் வெளியாகி நல்ல வரவேற்பைப் பெற்ற நிலையில், விரைவில் ட்ரெய்லர் வெளியாக இருப்பதாகவும் கூறப்படுகிறது.

இந்த நிலையில், 'குபேரா' படத்தின் ரன்னிங் டைம் 195 நிமிடங்கள், அதாவது 3 மணி நேரம் 15 நிமிடங்கள் என்று செய்திகள் வெளியானபோது, ரன்னிங் டைம் குறைக்கப்பட அதிக வாய்ப்பு இருப்பதாகக் கூறப்பட்டது.

தற்போது வந்துள்ள தகவலின்படி, இந்தப் படத்தின் ரன்னிங் டைம் 3 மணி நேரம் ஒரு நிமிடம் என மாற்றப்பட்டுள்ளதாகவும், 14 நிமிடங்கள் குறைக்கப்பட்டதாகவும் கூறப்படுகிறது. இருப்பினும், மூன்று மணி நேரம் என்பது இன்னும் அதிகமான ரன்னிங் டைம் தான் என்றும், இன்னும் சில நிமிடங்கள் குறைக்க வேண்டும் என்றும் ரசிகர்கள் கோரிக்கை விடுத்து வருகின்றனர்.