தனுஷ் நடித்த ’கர்ணன்’ திரைப்படத்தில் நடித்த பிரபல காமெடி நடிகர் ஒருவர் தற்போது தனுஷ் நடித்து வரும் ’நானே வருவேன்’ என்ற படத்திலும் இணைந்துள்ளார்.

தனுஷ் நடிப்பில், செல்வராகவன் இயக்கத்தில், கலைப்புலி எஸ் தாணு அவர்களின் தயாரிப்பில் உருவாகிவரும் ’நானே வருவேன்’ என்ற படத்தின் படப்பிடிப்பு நேற்று தொடங்கியது என்பதை ஏற்கனவே பார்த்தோம்.

இந்த படத்தில் நாயகியாக ’பிகில்’ படத்தில் நடித்த இந்துஜா நடிக்கவுள்ளதாக செய்திகள் உறுதிசெய்யப்பட்ட நிலையில் தற்போது இந்த படத்தில் பிரபல காமெடி நடிகர் யோகிபாபு இணைந்துள்ளார். ஏற்கனவே ’கர்ணன்’ படத்தில் தனுஷுடன் இணைந்து நடித்த யோகிபாபு மீண்டும் தனுஷுடன் இணைந்து உள்ளார் என்பது குறிப்பிடத்தக்கது.

யுவன் சங்கர் ராஜா இசையில் உருவாகும் இந்த படம் ரசிகர்களின் மிகப்பெரிய எதிர்பார்ப்பை ஏற்படுத்தியுள்ளது என்பது குறிப்பிடத்தக்கது.