'நானே வருவேன்' படம் குறித்த சூப்பர் அப்டேட் தந்த செல்வராகவன்!
- IndiaGlitz, [Monday,January 31 2022]
தனுஷ் நடிப்பில், செல்வராகவன் இயக்கத்தில், கலைப்புலி எஸ் தாணு அவர்களின் தயாரிப்பில் உருவாக இருக்கும் 'நானே வருவேன்’ படத்தின் படப்பிடிப்பு விரைவில் தொடங்க உள்ளதாக வெளியான செய்தியை ஏற்கனவே பார்த்தோம். இந்த நிலையில் இந்த படத்தின் மாஸ் அப்டேட்டை இயக்குனர் செல்வராகவன் தனது சமூக வலைத்தளத்தில் பதிவு செய்துள்ளார்
'நானே வருவேன்’ படத்தின் பாடல்கள் கம்போசிங் செய்யும் பணி முடிவடைந்து விட்டதாகவும் இந்த பாடல்களை உங்களிடம் பகிர்ந்து கொள்வதற்கான நாள் நெருங்கி விட்டதாகவும் செல்வராகவன் தெரிவித்துள்ளார். மேலும் இந்த படத்தின் இசையமைப்பாளர் யுவன் சங்கர் ராஜாவுடன் இணைந்து எடுத்துக் கொண்ட புகைப்படத்தையும் இயக்குனர் செல்வராகவன் பதிவு செய்துள்ள நிலையில் அந்த புகைப்படம் தற்போது வைரலாகி வருகிறது
தனுஷ் நாயகனாக நடிக்கும் இந்த திரைப்படத்தில் இந்துஜா முக்கிய வேடத்தில் நடிக்க உள்ளார் என்பதும் இவர் ஏற்கனவே தளபதி விஜய்யின் ’பிகில்’ திரைப்படத்தில் நடித்திருந்தார் என்பது குறிப்பிடத்தக்கது
Just completed the album of #NaaneVaruven with @thisisysr ! Can't wait to share it with you all! ?????? @dhanushkraja @theVcreations pic.twitter.com/NT7uE3dQdn
— selvaraghavan (@selvaraghavan) January 31, 2022