இன்று வெளியாகும் 'நானே வருவேன்' பாடலை பாடியது இவரா? ஆச்சரியத்தில் ரசிகர்கள்!
- IndiaGlitz, [Wednesday,September 07 2022]
தனுஷ் நடிப்பில் செல்வராகவன் இயக்கத்தில் யுவன் சங்கர் ராஜா இசையில் உருவாகியுள்ள திரைப்படம் ’நானே வருவேன்’. இரண்டு வித்தியாசமான கேரக்டர்களில் தனுஷ் நடித்துள்ள இந்த படம் மிகப்பெரிய எதிர்பார்ப்பை ஏற்படுத்தி உள்ளது என்பதும் இந்த படத்தின் சிங்கிள் பாடல் இன்று ரிலீஸ் ஆகும் என ஏற்கனவே அதிகாரபூர்வமாக அறிவிக்கப்பட்டு இருந்தது என்பதும் தெரிந்ததே.
இந்த நிலையில் இன்று வெளியாகும் பாடலின் டைட்டில் ‘வீரா சூரா’ என்றும் இந்த பாடலை இந்த படத்தின் இசையமைப்பாளர் யுவன் சங்கர் ராஜாவே பாடி உள்ளார் என்று சற்று முன் இந்த படத்தின் தயாரிப்பாளர் கலைப்புலி தாணு அவர்கள் அறிவித்துள்ளார். இதனை அடுத்து இந்த பாடலுக்கு மிகப்பெரிய எதிர்பார்ப்பு ஏற்பட்டுள்ளது என்பது குறிப்பிடத்தக்கது.
’நானே வருவேன்’ திரைப்படம் இம்மாதம் வெளியாகும் என்று அறிவிக்கப்பட்டிருக்கும் நிலையில் ’திருச்சிற்றம்பலம்’ படத்தை அடுத்து தனுஷூக்கு அடுத்த வெற்றிப் படமாக இந்தப் படம் இருக்கும் என்று கூறப்படுகிறது.
தனுஷ், எல்லி அவ்ரம், இந்துஜா ரவிச்சந்திரன், யோகி பாபு உள்பட பலர் நடித்துள்ள இந்த படம் ஓம் பிரகாஷ் ஒளிப்பதிவில், பிரசன்னா படத்தொகுப்பில் உருவாகியுள்ளது.