హాలీవుడ్ న‌టుడితో ధనుష్
- IndiaGlitz, [Monday,October 24 2016]
సౌత్‌లోనే కాదు, నార్త్‌లో కూడా ధ‌నుష్‌కు ఓ స్పెష‌ల్ క్రేజ్ ఉంది. అందుకే ధనుష్ ద‌క్షిణాది సినిమాల‌తో పాటు ఉత్త‌రాది సినిమాల‌ను కూడా చేస్తుంటాడు. ధనుష్ త్వ‌ర‌లోనే ద‌ర్శ‌కుడు కార్తీక్ సుబ్బరాజు దర్శకత్వంలో సినిమా చేయ‌డానికి రెడీ అవుతున్నాడు. పిజ్జా, జిగ‌ర్ తండా(చిక్క‌డు దొర‌క‌డు), ఇరైవి సినిమాల‌ను తెర‌కెక్కించాడు. కొత్త సినిమా కోసం ధనుష్, కార్తీక్ సుబ్బ‌రాజులు ప్రీ ప్రొడ‌క్ష‌న్ ప‌నులు స్టార్ట్ చేసేశారు. ప్రీ ప్రొడ‌క్ష‌న్ కార్య‌క్ర‌మంలో భాగంగా సినిమాలో ఓ కీల‌క పాత్ర చేయాల్సిందిగా హాలీవుడ్ న‌టుడు ఆల్ పాసినోను సంప్ర‌దించార‌ట. ఆల్ పాసినో కూడా సుముఖ‌త‌ను వ్య‌క్తం చేశాడ‌ని కోలీవుడ్ వ‌ర్గాల స‌మాచారం.
ధనుష్ ప్ర‌స్తుతం ధ‌ర్మ‌యోగి సినిమాను దీపావ‌ళి సంద‌ర్భంగా విడుద‌ల చేయ‌డానికి స‌న్నాహాలు చేస్తున్నారు. స‌తీష్ కుమార్ తెలుగులో విడుద‌ల చేస్తున్న ఈ చిత్రంలో ధనుష్, త్రిష, అనుప‌మ ప‌ర‌మేశ్వ‌ర‌న్‌లు న‌టిస్తున్నారు. ధనుష్ ద్విపాత్రాభిన‌యం చేస్తున్న ఈ సినిమాలో త్రిష నెగ‌టివ్ ట‌చ్ ఉన్న రోల్ చేయ‌డం విశేషం.