தனுஷ்-யுவன்சங்கர் ராஜா இணைந்த 'சொல்லித் தொலையேன்மா'
- IndiaGlitz, [Saturday,April 23 2016]
தனுஷ் நடிக்கும் ஒருசில படங்களுக்கு யுவன்ஷங்கர் இசையமைத்திருந்தாலும் தற்போது மீண்டும் ஒருமுறை தனுஷ் மற்றும் யுவன்ஷங்கர் ராஜா ஒரு பாடலால் இணைந்துள்ளனர்.
கிருஷ்ணா, ஸ்வாதி ரெட்டி நடிப்பில் குழந்தை வேலப்பன் இயக்கி வரும் திரைப்படம் 'யாக்கை'. இந்த படத்திற்கு இசையமைத்து வரும் யுவன்ஷங்கர் ராஜா, 'சொல்லித்தொலையேன்மா.. என்ற பாடலை தனுஷ் பாடினால் நன்றாக இருக்கும் என்று முடிவு செய்து தனுஷிடம் கேட்க, தனுஷூம் மறுப்பேதும் சொல்லாமல் பாடி கொடுத்துள்ளார். இந்த பாடல் இந்த படத்தின் ஹைலைட்டாக இருக்கும் என கருதப்படுகிறது.
இந்த தகவலை தனுஷ் தனது சமூக வலைத்தளத்தில் பதிவு செய்து உறுதிப்படுத்தியுள்ளார் என்பது குறிப்பிடத்தக்கது.