close
Choose your channels

வாக்காளர்களுக்கு தல மகளின் அன்புக்கட்டளை

Monday, May 6, 2019 • தமிழ் Comments

இந்தியாவில் மொத்தம் ஏழு கட்டங்களாக மக்களவை தேர்தல் நடைபெறும் என இந்திய தேர்தல் ஆணையம் அறிவித்திருந்த நிலையில் இன்று ஐந்தாம் கட்ட தேர்தல் ஏழு மாநிலங்களில் மொத்தம் 51 தொகுதிகளில் வாக்குப்பதிவு நடைபெற்று வருகிறது., அவற்றில் ஒன்று தல தோனியின் சொந்த மாநிலமான ஜார்கண்ட் மாநிலமும் ஒன்று.

இன்று காலை தனது மனைவி சாக்சியுடன் சென்று தல தோனி தனது ஜனநாயக கடமையை ஆற்றினார். மேலும் அவர் தான் சிறுவயதில் படித்த பள்ளியிலேயே அவர் ஓட்டு போட்டார் என்பது குறிப்பிடத்தக்கது.

இந்த நிலையில் தல தோனியின் மகளின் வீடியோ ஒன்று இணையதளத்தில் வைரலாகி வருகிறது. 'எல்லோரும் சென்று ஓட்டு போடுங்கள்' என்று தோனியின் மகள் செல்லக்குரலில் அன்புக்கட்டளையாக கூறிய வீடியோ அனைவரின் கவனத்தையும் பெற்றுள்ளது என்பது குறிப்பிடத்தக்கது. தோனியின் சமூக வலைத்தள பக்கத்தில் பதிவு செய்யப்பட்டுள்ள இந்த வீடியோவிற்கு லைக்ஸ்கள் குவிந்து வருகிறது.

Get Breaking News Alerts From IndiaGlitz