விக்ரமின் 'துருவ நட்சத்திரம்': மாஸ் வீடியோவை ரிலீஸ் செய்த படக்குழு..!
- IndiaGlitz, [Monday,July 17 2023]
விக்ரம் நடிப்பில், கௌதம் மேனன் இயக்கத்தில் உருவான ’துருவ நட்சத்திரம்’ திரைப்படம் நீண்ட இடைவெளிக்கு பின்னர் மீண்டும் பணிகள் தொடங்கிய நிலையில் தற்போது இந்த படம் ரிலீசுக்கு தயாராக இருப்பதாக கூறப்படுகிறது.
இந்த நிலையில் இந்த படத்தின் இரண்டாவது சிங்கிள் பாடல் வரும் 19ஆம் தேதி வெளியாகும் என ஏற்கனவே அறிவிக்கப்பட்டிருந்த நிலையில் தற்போது இந்த பாடலின் புரோமோ வீடியோவை படக்குழுவினர் வெளியிட்டுள்ளனர்
வெறும் 19 வினாடிகள் மட்டுமே உள்ள இந்த வீடியோ தற்போது வைரல் ஆகி வருகிறது. His Name Is John என்ற இந்த பாடலை தாமரை எழுதியுள்ளார் என்பதும் ஹாரிஸ் ஜெயராஜ் கம்போஸ் செய்து உள்ளார் என்பது குறிப்பிடத்தக்கது.
விக்ரம், ரிது வர்மா, ஐஸ்வர்யா ராஜேஷ், பார்த்திபன், சிம்ரன், திவ்யதர்ஷினி, விநாயகன், அர்ஜுன் தாஸ், ராதிகா சரத்குமார், வம்சி கிருஷ்ணா உள்பட பலர் நடிப்பில் இந்த படம் உருவாகியுள்ளது.