'ఆర్ఆర్ఆర్‌'పై పున‌రాలోచ‌న‌లో దిల్‌రాజు ?
- IndiaGlitz, [Friday,April 03 2020]
బాహుబలితో తెలుగు సినిమా స్థాయిని పెంచిన దర్శకుడు రాజమౌళి దర్శకత్వంలో టాలీవుడ్ అగ్ర కథానాయకులు యంగ్ టైగర్ ఎన్టీఆర్‌, మెగాప‌వ‌ర్‌స్టార్ రామ్‌చ‌ర‌ణ్ కాంబినేష‌న్‌లో రూపొందుతోన్న భారీ చిత్రం ‘రౌద్రం రణం రుధిరం’. ప్ర‌స్తుతం సినిమా 75 శాతం చిత్రీక‌ర‌ణ పూర్త‌య్యింది. ఈ సినిమా బిజినెస్ దాదాపు అన్నీ ఏరియాల్లో పూర్త‌య్యింది. నైజాం హ‌క్కుల‌ను దిల్‌రాజు 75 కోట్ల రూపాయ‌ల‌తో పాటు జీఎస్టీని కూడా క‌డుతాన‌నే డీల్ మీద ద‌క్కించుకున్నాడు. అయితే ఇప్పుడు కరోనా ఎఫెక్ట్.. ఇప్ప‌ట్లో త‌గ్గేలా లేదు.
ఈ ఎఫెక్ట్ త‌గ్గ‌డానికి ఆరు నెల‌ల స‌మ‌యం ప‌డుతుంద‌ని వార్త‌లు విన‌ప‌డుతున్నాయి. దీంతో ఇలాంటి ప‌రిస్థితుల్లో మార్కెట్ పరిస్థితుల‌ను దృష్టిలో పెట్టుకుని డీల్ గురించి ఆలోచించాల‌ని దిల్‌రాజు ఆలోచిస్తున్నాడ‌ట. అడ్వాన్స్‌ను ప‌క్క‌న పెడితే ఎన్ఐఏ డీల్ ప్ర‌కారం సినిమాను రిలీజ్ చేయ‌డం రిస్క్ అని దిల్‌రాజు భావిస్తున్నాడ‌ట. వేరే వాళ్లకు డీల్ ఇచ్చేస్తామ‌ని అంటే ప‌క్క‌కు పెట్టాడానికి కూడా దిల్‌రాజు సిద్ధ‌మేనంటున్నారు. త్వ‌ర‌లోనే నిర్మాత డి.వి.వి.దాన‌య్యతో దిల్‌రాజు ఈ విష‌యంపై చ‌ర్చ‌లు జ‌రిపే అవ‌కాశం ఉంద‌ని అంటున్నారు.