ദിലീപ് ഇന്ന് പാലക്കാട്ട് നാളെ കോയമ്പത്തൂർ
- IndiaGlitz, [Wednesday,June 14 2017]
ദിലീപ് ചിത്രം രാമലീലയുടെ ഷൂട്ടിംഗ് ഇന്ന് പാലക്കാട്ട് നടക്കും. നാളെ കോയമ്പത്തൂരിലേക്ക് ഷിഫ്ട് ചെയ്യും. നാളത്തെ ചിത്രീകരണത്തോടെ ദിലീപിന്റെ രംഗങ്ങൾ പൂർത്തിയാകും. ഇതിനു ശേഷം കമ്മാരസംഭവത്തിന്റെ അടുത്തഘട്ട ചിത്രീകരണത്തിനായി ദിലീപ് തേനിയിലേക്ക് പോകും. അരുൺ ഗോപി സംവിധാനം ചെയ്യുന്ന രാമലീല മുളകുപാടം ഫിലിംസിന്റെ ബാനറിൽ ടോമിച്ചൻ മുളകുപാടമാണ് നിർമ്മിക്കുന്നത്. രാമനുണ്ണിയെന്ന രാഷ്ട്രീയ പ്രവർത്തകന്റെ വേഷത്തിലാണ് ദിലീപ് എത്തുന്നത്. പ്രയാഗ മാർട്ടിനാണ് നായിക. രതീഷ് അമ്പാട്ടാണ് കമ്മാരസംഭവം സംവിധാനം ചെയ്യുന്നത്. മുരളീഗോപിയുടേതാണ് തിരക്കഥ. ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലനാണ് കമ്മാരസംഭവം നിർമ്മിക്കുന്നത്. പ്രശസ്ത കാമറാമാൻ രാമചന്ദ്രബാബു സംവിധാനം ചെയ്യുന്ന പ്രൊഫസർ ഡിങ്കനാണ് ദിലീപ് അഭിനയിച്ച് പൂർത്തിയാക്കാനുള്ളത്. കട്ടപ്പനയിലെ ഋത്വിക് റോഷന് ശേഷം നാദിർഷ സംവിധാനം ചെയ്യുന്ന ചിത്രത്തിലും ദിലീപാണ് നായകൻ.