ദിലീപിൻ്റെ 149-ാം ചിത്രത്തിൻ്റെ പൂജയും സ്വിച്ച് ഓൺ ചടങ്ങും കൊച്ചി അഞ്ചുമന ക്ഷേത്രത്തിൽ വെച്ച് നടന്നു. ഗ്രാൻഡ് പ്രൊഡക്ഷൻസിൻ്റെ ബാനറിൽ ദിലീപ് തന്നെ നിർമ്മിക്കുന്ന ചിത്രം സംവിധാനം ചെയ്യുന്നത് വിനീത് കുമാറാണ്. അയാൾ ഞാനല്ല, ഡിയർ ഫ്രണ്ട് എന്നീ ചിത്രങ്ങൾക്ക് ശേഷം വിനീത് ഒരുക്കുന്ന മൂന്നാമത്തെ ചിത്രം കൂടിയാണ് D149. അഞ്ചുമന ക്ഷേത്രത്തിൽ നടന്ന പൂജാകർമ്മത്തിൽ സംവിധായകൻ ജോഷി, ലാൽ ജോസ്, നാദിർഷ, സിബി മലയിൽ, കോട്ടയം നസിർ, ഷാജോൺ, ലിസ്റ്റിൻ സ്റ്റീഫൻ, ബി ഉണ്ണികൃഷ്ണൻ തുടങ്ങിയ മലയാള സിനിമയിലെ പ്രമുഖർ പങ്കുചേർന്നു.

റൊമാന്റിക് കോമഡി വിഭാഗത്തിലുള്ള ചിത്രത്തിന്റെ തിരക്കഥ ഒരുക്കുന്നത് രാജേഷ് രാഘവനാണ്. സാനു താഹിർ ഛായാഗ്രഹണം നിർവഹിക്കുന്നു. എക്‌സിക്യുട്ടീവ് പ്രൊഡ്യൂസർ - അനൂപ് പത്മനാഭൻ, കെ പി വ്യാസൻ, സംഗീതം - മിഥുൻ മുകുന്ദൻ, എഡിറ്റർ - ദീപു ജോസഫ്, പ്രൊജക്‌ട് - ഹെഡ് റോഷൻ ചിറ്റൂർ, ഗാനരചന - ഷിബു ചക്രവർത്തി, വിനായക് ശശികുമാർ, പ്രൊഡക്ഷൻ ഡിസൈനർ - നിമേഷ് താനൂർ, പ്രൊഡക്ഷൻ കൺട്രോളർ - രഞ്ജിത്ത് കരുണാകരൻ, വസ്ത്രാലങ്കാരം - സമീറ സനീഷ്, മേക്കപ്പ് - റൊണെക്‌സ് സേവ്യർ, ചീഫ് അസോസിയേറ്റ് ഡയറക്ടർ - രാകേഷ് കെ രാജൻ, സൗണ്ട് ഡിസൈൻ -ശ്രീജിത്ത് ശ്രീനിവാസൻ, സ്റ്റിൽസ് രാമദാസ്, മീഡിയ പ്ലാനിങ് & മാർക്കറ്റിംഗ് ഡിസൈൻ - പപ്പെറ്റ് മീഡിയ.