பிரபல நடிகர்-இயக்குனர் மருத்துவமனையில் அனுமதி: கோலிவுட் திரையுலகினர் அதிர்ச்சி!
- IndiaGlitz, [Thursday,July 28 2022]
பிரபல நடிகர் மற்றும் இயக்குநர் ஜிஎம் குமார் மருத்துவமனையில் அனுமதிக்கப்பட்டுள்ளதாக வெளிவந்திருக்கும் தகவல் பெரும் அதிர்ச்சியை ஏற்படுத்தியுள்ளது.
சிவாஜி புரடொக்சன்ஸ் தயாரிப்பில் பிரபு மற்றும் ராம் குமார் நடித்த ’அறுவடை நாள்’ திரைப்படத்தின் மூலம் இயக்குனராக அறிமுகமானவர் ஜிஎம் குமார். அதன்பின்னர் அவர் ’பிக்பாக்கெட்’ ’இரும்பு பூக்கள்’ ’உருவம்’ போன்ற படங்களை இயக்கி இருந்தார் என்பதும் பல திரைப்படங்களில் குணச்சித்திர கேரக்டரில் நடித்திருக்கிறார் என்பது குறிப்பிடத்தக்கது. குறிப்பாக பாலா இயக்கத்தில் உருவான ’அவன் இவன்’ திரைப்படத்தில் ஐனஸ் என்ற ஜமீன்தார் கேரக்டரில் மிகவும் இயல்பாக நடித்திருப்பார் என்பது தெரிந்ததே.
இந்த நிலையில் ஜிஎம் குமார் திடீரென உடல் நலக்குறைவு காரணமாக மருத்துவமனையில் அனுமதிக்கப்பட்டுள்ளதாகவும் அவருக்கு மருத்துவர்கள் தீவிர சிகிச்சை அளித்து வருவதாகவும் தகவல்கள் வெளியாகியுள்ளன. இயக்குனர் ஜிஎம் குமார் மருத்துவமனையில் அனுமதிக்கப்பட்டுள்ள செய்தி கோலிவுட் திரையுலகினரை அதிர்ச்சியடைய செய்த நிலையில் அவர் விரைவில் குணமாக வேண்டும் என வாழ்த்து தெரிவித்து வருகின்றனர்.