மீண்டும் சூப்பர் ஹீரோ கதைக்களத்தில் மிஷ்கின்
- IndiaGlitz, [Thursday,March 01 2018]
இயக்குனர் மிஷ்கின் நடிப்பில் ஜீவா நடித்த சூப்பர் ஹீரோ கதையான 'முகமூடி' திரைப்படம் கடந்த 2012ஆம் ஆண்டு வெளியாகி எதிர்பார்த்த வரவேற்பை பெறவில்லை. இந்த நிலையில் மிஷ்கின் மீண்டும் ஒரு சூப்பர் ஹீரோ கதையை தேர்வு செய்துள்ளதாக தகவல்கள் வெளிவந்துள்ளது.
இந்த முறை அவர் கையில் எடுப்பது சோஷியல் நெட்வொர்க். இதனால் ஏற்படும் பிரச்சனைகளை நகைச்சுவை கலந்து சொல்லும் சூப்பர் ஹிரோ கதை தான் மிஷ்கின் இயக்கும் அடுத்த படம். மேலும் இந்த படத்தை அவர் 3D டெக்னாலஜியில் உருவாக்க திட்டமிட்டுள்ளதாகவும் கூறப்படுகிறது. 'முகமூடி' படத்தில் செய்த தவறுகளில் இருந்து பாடம் கற்றுள்ள மிஷ்கின், இந்த படத்தை வெற்றிபடமாகக் வேண்டும் என்பதற்காக திரைக்கதையில் கவனம் செலுத்தியுள்ளதாகவும், இந்த படம் இளைஞர்களை கவரும் வகையில் இருக்கும் என்றும் கூறப்படுகிறது
இந்த படத்தில் நடிக்கும் நட்சத்திரங்கள் மற்றும் தொழில்நுட்ப கலைஞர்கள் குறித்த தேர்வு நடைபெற்று வருவதாகவும், விரைவில் இந்த படம் குறித்த அறிவிப்பு வெளியாகும் என்றும் கூறப்படுகிறது.