ரஜினிக்கு ஜோடியாக தீபிகா நடிப்பது உண்மையா? இயக்குனர் ரஞ்சித் விளக்கம்
- IndiaGlitz, [Saturday,March 18 2017]
சூப்பர் ஸ்டார் ரஜினிகாந்த் நடித்து வரும் '2.0' படத்தின் படப்பிடிப்பு இறுதிக்கட்டத்தில் உள்ள நிலையில் அவர் நடிக்கும் அடுத்த படத்தை 'கபாலி' இயக்குனர் ரஞ்சித் இயக்கவுள்ளதாகவும், இந்த படத்தை தனுஷ் தயாரிக்கவுள்ளதாகவும் வெளிவந்த செய்தியினை ஏற்கனவே பார்த்தோம்
இந்த நிலையில் ரஜினி-ரஞ்சித் படத்தில் ரஜினிக்கு ஜோடியாக பிரபல பாலிவுட் நடிகை தீபிகா படுகோனே நடிக்கவுள்ளதாக கடந்த இரண்டு நாட்களாக ஒருசில ஊடகங்களில் செய்திகள் வெளிவந்து கொண்டிருக்கின்றன.
இந்த செய்திகள் குறித்து விளக்கம் அளித்த இயக்குனர் ரஞ்சித், இது முற்றிலும் பொய்யான வதந்தி என்று பதிலளித்துள்ளார். இதன்மூலம் இந்த படத்தின் நாயகி யார் என்பது இன்னும் முடிவு செய்யப்படவில்லை என்று தெரிகிறது.
மேலும் ரஜினி-ரஞ்சித் படம் வரும் தமிழ்ப்புத்தாண்டு தினம் மற்றும் அம்பேத்கர் பிறந்த தினமான ஏப்ரம் 14ஆம் தேதி படப்பிடிப்பு தொடங்கும் என்று கூறப்படுகிறது.