என் படத்தில் குறையா? மணிரத்னம் மீது அதிருப்தி அடைந்த பொன்ராம்!
- IndiaGlitz, [Friday,November 05 2021]
தனது படத்தில் குறை இருந்ததாக மணிரத்னம் கூறியதற்கு இயக்குனர் பொன்ராம் தனது அதிருப்தியை தெரிவித்துள்ளது பெரும் பரபரப்பை ஏற்படுத்தி உள்ளது.
’வருத்தப்படாத வாலிபர் சங்கம்’ ’ரஜினி முருகன்’ உள்ளிட்ட வெற்றிப்படங்களை இயக்கியவர் இயக்குனர் பொன்ராம் என்பதும் அவரது இயக்கத்தில் உருவான ’எம்ஜிஆர் மகன்’ என்ற திரைப்படம் தீபாவளி தினத்தில் ஓடிடியில் வெளியாகி உள்ளது என்பதும் குறிப்பிடத்தக்கது.
இந்த நிலையில் மணிரத்னம் தயாரிப்பில் உருவான ’நவரசா’ என்ற திரைப்படத்தின் 9 பகுதிகளில் பொன்ராம் இயக்கிய ஒரு பகுதியும் இருந்தது என்பதும் ஆனால் கடைசி நேரத்தில் திடீரென பொன்ராம் படத்திற்கு பதிலாக பிரியதர்ஷன் உருவாக்கிய படம் ஒளிபரப்பானது என்பதும் குறிப்பிடத்தக்கது.
இதுகுறித்து மணிரத்தினம் விளக்கம் அளித்தபோது தனது படத்தில் ஆடியோ சரியில்லை என்பதால் இணைக்க வில்லை என்று கூறியதாகவும் அவரது பதில் தனது அதிருப்தியை ஏற்படுத்தியது என்றும் மணிரத்னம் குறித்து இயக்குனர் பொன்ராம் பேட்டி ஒன்றில் கூறியுள்ளார். அவரது பேட்டி பெரும் பரபரப்பை ஏற்படுத்தியுள்ள என்பது குறிப்பிடத்தக்கது.